Site Last Updated: 27th November 2014, 4:02 PM

LATEST PRESS RELEASES

LUNGLEI DISTRICT-AH PUBLIC INFORMATION CAMPAIGN NEI MEK

Sorkar Laipuiin mipuite hmasawnna tura ruahmanna hrang hrang a siam inhrilhhriatna hun ‘Public Information Campaign/Jan Soochna Abhiyan’ chu nimin khan Mualthuam ‘N’ Community Hall-ah tan a ni a. He PIC hi Lunglei District atan ni 3 chhung hman tur a ni a, vawiin a Ni 2-naah Lunglei Deputy Commissioner Pu Ashish Madhaorao More chu Khuallian a ni.
(read more) DATED: 27th November 2014, 4:02 PM

CHAMPHAI-AH CHHIATRUPNA THLEN THULA AWMDAN TUR INZIRTIRNA RUN PUI NEIH A NI

Disaster Management & Rehabilitation hmalakna in Champhai-ah vawiin khan chhiatrupna thlen palha inralrin dan leh mumal taka chetlak dan tur inzirtirna hmun thumah buatsaih a ni. Champhai YMA Sub. Headquarters Conference Hall-ah Sub. Hq. hnuaia Branch YMA hrang hrangte tan ‘Community Awareness Programme on Disaster Management’ buatsaih a ni a. Hemi rual hian Department aiawh leh vantlang hruaitute tan GM Higher Secondary School-ah Incident Respose System (IRS) leh India Disaster Resource Network (IDRN) chungchang inzirtirna buatsaih a ni a. GM Higher Secondary School-ah vek hian zirna in a thawkte tan ‘School Safety Training’ buatsaih a ni bawk.
(read more) DATED: 27th November 2014, 3:24 PM

ZUK LEH HMUAM BANSANTUTEN AN DIN CHAMPHA LAWM

Tukin zing kar ah khan Vanapa Hall kawtah Zuk leh hmuam bansan pawl, Tobacco Quitter of Mizoram(TQM) chuan vaihlo leh a kaihhnawih laka inthiar fihlim duhte leh vaihlo ngawl vei mekte chhanchhuak tur an pawl din champha phak vawi khatna chu Health Minister Pu Lal Thanzara hovin an hmang a.
(read more) DATED: 27th November 2014, 2:27 PM

HORTICULTURE DEPARTMENT IN TUIKUM BIALAH NLUP SEM

Serchhip a Horticulture Department chuan vawiin nileng khan Tuikum Cluster huamchhunga NLUP 2nd Phase tanpuina dawngtute hnenah 3rd Installment an sem a, Chhingchhip ah a chhehvel khua (Chhingchhip, Hualtu, Khawbel, Hmuntha, Thentlang, Lungpho, Ngentiang, Thinglian) te tan an sem a, Baktawngah (Baktawng, Khumtung, Buhkangkawn, Hmawngkawn) tan, Tlungvelah (Tlungvel, Darlawng) tan an sem a ni.
(read more) DATED: 27th November 2014, 2:18 PM

SERCHHIP-AH SOIL&WATER CONSERVATION DEPARTMENT IN NLUP SEM

Vawiin chawhma dar 11:00 khan Serchhip Hmar Veng YMA Hall-ah Soil & Water Conservation Department, Serchhip District chuan an hnuaia NLUP Second Phase tanpuina dawngtu te hnenah tanpuina sum an dawn hnuhnung ber tur Final Installment an sem a, District Bawrhsap Pi Juhi Mukherjee, IAS chuan he hun hi khuallian niin a hmanpui a, Pu Andrew H. Lalremruata, MIS, DIPRO chu Khualzahawm a ni.
(read more) DATED: 27th November 2014, 2:15 PM

CHIEF MINISTER HOIN STATE PLANNING BOARD MEETING

Pu Lal Thanhawla, Chief Minister & Chairman, State Planning Board kaihhruainain vawiin khan NLUP Conference Hall-ah State Planning Board thar chuan meeting puitling hmasa ber an nei.
(read more) DATED: 27th November 2014, 1:41 PM

MINISTER-IN NTUM GENERAL ASSEMBLY A HMANPUI

National Trade Union of Mizoram (NTUM) chuan vawiin khan Vanapa Hall ah General Assembly vawi 25-na an hmang a, Labour & Employment, Industrial Training Minister Pu Lalrinmawia Ralte-in a hmanpui.
(read more) DATED: 27th November 2014, 1:25 PM

CHAMPHAI DISTRICT A NLUP BAWNG SEM TUR LA LUT MEK

NLUP 2nd Phase hnuaia Champhai District-a bawng sem tur chu tunah hian Shillong atanga lakluh mek a ni a. Champhai District tan hian bawng 132 lak tur a ruahman niin, bawng 110 chu him dam taka Vairengte-a Quarantine Station thlenpui a enfiah an nih hnu in, a dawngtu turten an khaw lam an panpui tawh a. Vawiin khan bawng 22 dang, trip hnuhnung ber tur chu Shillong atanga rawn thawn chhoh leh a ni bawk.
(read more) DATED: 27th November 2014, 1:22 PM

KAWLKULH A IWMP HMALAKNAIN ZIRCHIAN A HLAWH

Soil & Water Conservation Department hnuaia Kawlkulha hectare 1,413-a zau Compact Area Development, IWMP-1 hmalakna chuan zirchian a hlawh hle a. November ni 26, 2014 khan Horticulture Department chuan Farmer’s Exposure Tour buatsaihin, Lungphunlian, Tualcheng, Murlen leh Vapar-a loneitu mi 40-vel chuan he hmuna hnathawh hrang hrangte tlawhin an kal a. Anni bakah hian Saitual IWMP, Lunglei IWMP, Serchhip DRDA leh MCS probationer rual-ten an lo tlawh tawh a ni.
(read more) DATED: 27th November 2014, 1:21 PM

PRIME MINISTER-IN BAIRABI - SAIRANG REL KAWNG TUR LUNGPHUM PHUM DAWN

Prime Minister Pu Narendra Modi chuan inrinni lo awm tur ni 29 Nov 2014 tlai dar 5:30 pm khian Guwahati Maligaon Railway Stadium ah Bairabi - Sairang rel kawng (Broad Guage) siam tur lungphum a phum dawn. He hunah hian Chief Minister Pu Lal Thanhawla chu Distinguished Guest a ni ang. Prime Minister hian Meghalaya State chhung Mendipathar atanga Guwahati thleng passenger phur rel service hmasa ber a vailiam dawn bawk a ni.
DATED: 26th November 2014, 3:49 PM