|
I & P R MINISTER IN MJA LAWMTHUSAWI INKHAWM A HMANPUI |
|
|
|
|
Written by Lalsiama Fambawl, Dy.Director
|
|
Thursday, 04 February 2010 |
|
Information & Public Relations Minister Pu Zodintluangan vawiin khan Mizoram Journalists’ Association in sorkar atang a an hamthatna Mizoram Journalist Welfare Fund an neih mek changtlung zawka a siamthat sak avanga lawmthu sawina Aizawl Press Club a an buatsaih a hmanpui.
He inkhawm hi MJA President Pu K.Sapdangan a kaihruai a. An pawl General Secretary Pu Zonunsanga Khiangte lawm thusawi inkhawm an buatsaih chhan leh Mizoram Journalist Welfare Fund tobul leh he sum atan a Sorkarin kumtin Cheng Nuaisawm a dahsak thin dan te a sawi a. He Fund hian an Member boral te inralna atan chauh a huam thu leh thildang harsatna phuhrukna atan hman theih anih loh avang a sorkar a siam danglam an dil tawh thin dante a sawi a. Mizoram sorkarin kumin January ni 27 ah khan famkim zawka siam thain ‘Natna khirhkhan, khuarel chhiatna avang a bungrua chan leh tawhsual tawh avang a harsatna dinhmuna in chhawmdawlna’ thleng a huampha tawh dawn a ni a ti. Chuvangin Mizoram sorkar chungah MJA a lawm tak meuh a ni a ti.
Minister Pu Zodintluanga chuan Mizoram Sorkar in Party Manifesto a kan lo sawitawh ‘Mizoram Journalist Welfare Fund changtlung zawkin kan siam ang’ kan lo tih tawh ngai pawimawhin kan bawhzui nghal a. Kan tihlawhtling thei hi kan lawm hle a ni a ti a. Chanchinbute pawimawhna sawi zuiin tunhnaiah kan khawtlang nun thalo - Veng leh veng, khua leh khua inep zawng a thil lak kan ching lek lek ta a, hei hi Chanchinbu miten tun ang khawvel hmasawnna enin a zahthlaka chin tamloh tur a ni tia min zirtir kan ngai a. Khawtlang nunah mahni tih theih reng thawk peih lova, hnamdang leh midang kuta kan innghat nasa lutukte hnawla taihmakna lam kan in zirtir thar leh a ngai tak meuh a ni a ti. Faktlak faka, chawimawi tlak chawimawina hian a tha zawngin hna a thawk thin a, kan chhiatna lam aia kan thatna lam pawh tarlang tam turin a fuih hlawm a ni.
Pu Zodintluanga chuan Mizoram Sorkarin siamthat ngai tam tak siamtha chungin hmalakna liantham tam tak a kalpui mek zel a, Tuirial Hydel Project hluihlawn tawh pawh bul tanthat leh mek a ni a, Tuivai Hydel Project tan pawh Central sorkarin sum sen tur zazela 75 min tumsak dawn a, adang zazela 25 pawh Asian Development Bank atangin kan puk dawn a, hna bultan theih mai tur a ni a ti a. A Department chan Sports lamah pawh Rajiv Gandhi Stadium hna bul tan a ni tawh a; Zobawk a cheng vaibelchhe 34 zet senna tur Sport Complex te Serchhip a Auditorium sak tan tur te sawi langin chak takin sorkarin hma lian tham tak tak a la mek reng a ni a ti.
I&PR Director Pu Jim K.Chozah pawhin MJA te lawmpuina thu sawiin a tul anga bawhzui ngai a piang thawkho turin a sawm bawk.
|
|
Last Updated ( Thursday, 04 February 2010 )
|
