|
Written by Administrator
|
|
Friday, 05 February 2010 |
|
Kuminah hian thal a na a, khua a ro hle mai a, kangmei hlauhawm tak laka ram leh mipuite kan himna tur leh ramngaw leh nungchate himna atan District Magistrate, Aizawl District chuan Sec.144 Cr.P.C. hmangin a hnuaia thupekte hi a chhuah :
1. Mimal leh khawtlang tumahin lo atan emaw, leipui atan emaw leh huan atan emaw vah chauh lo chu ram an halin an tikang tur a ni lo.
2. Lo leh leipui hal turte chuan mumal taka mei lam sial vekin, sawrkarin lo hal hun tura a ruat February 2010 chhung ngeiin an hal tur a ni.
3. Mi tumahin mihring nunna emaw bungrua leh thildang tana hlauhthawn awm thei tur chi reng rengah ngaihsam leh inthlahdah takin kangmei an ti chhuak tur a ni lo.
4. Mi tumahin ramhnuaiah thing leh mau leh hnim dang reng reng an halin kangmei an tichhuak tur a ni lo.
5. Inthlahdahna leh dawngdahna avanga kangmei chhuak thin pumpelh a nih theih nan Electric, Gas leh Stove hman leh enkawl danah mitin fimkhur theuh tur a ni.
He thupek hi hman nghal tur a ni a, sut a nih loh chuan thla hnih chhung atan hman phawt tur a ni ang. Thupek bawhchhiate chu Sec. 188 IPC angin hrem theih an ni.
|
