|
KOLASIB-AH DEPARTMENT HOTUTE AN THUKHAWM |
|
|
|
|
Written by Lallianpuii, IPRO Kolasib
|
|
Friday, 05 February 2010 |
|
Kolasib District chhunga sawrkar Department hrang hrang hotu lu ten an Department hnathawh dan an inhrilh hriat tlanna hun, Co-ordination Committee chu vawiin khan D.C. Conference Hall Kolasib-ah an thukhawm.
He thutkhawmna hi Pu Zairemmawia, Additional D.C. in a kaihruai a. Mahni Department chan theuh hmalakna leh tihtur chhawp chhuahte, an harsatna tawhte auchhuahpui tura a sawm hnuah sawihona a mal malin hun an hmang zui a ni.
Serlui ‘B’ Hydel Project, Mizoram chhunga power project lian ber chu thawh theih apiang, a panna kawng tih that thlengin ngawrh taka thawh mek a nih thu leh tun Febuary thla chhunga hawn hman ngei tum a nih thu, Serlui ‘B’ enkawltu Engineer chuan a sawi a. Kolasib-a vur siamna khawl, electrict bill fello vang hna thawk tawh lo pawh tunah hian sawrkar level ah indawrna neiin a hmawr bawk thuai a nih dawn thu leh sangha khawi tuten he vur khawl hi an chhawr thuai tawh dawn thu Fishery hotuten an sawi bawk.
Thil tamtak tarlan zingah NREGS hmanga inhlawhna chu tun financial year chhung hian ni 100 inhlawh hman ngei a ni dawn tih pawh a tel a. NREGS hmanga kawng laih thin chu a khua/Veng V.C. te nena inrawn tlanga mipui in an chhawr ngei tur kawng link road laih thin nise tiin meeting ah hian sawi a ni a. mipuite hnena puan tur advertisement chanchinbu a pek chungchangah Information Department kaltlanga rate dinglai anga pek chu tihdan tur dik tak a nih thu pawh tarlan a ni a. S.S.A hmalakna in kar leh thawhtanni-ah Non- Residential Bridge Course chu Meidum leh Phaisen ah te hawn leh tum a nih thu pawh sawi a ni.
|
