EXCISE MONTHLY CRIME REPORT
May, 2013 chhunga Excise & Narcotics Department leh Police Department in zu leh kaihhnawih an man zat :
JERC MEMBER THAR RUAT
Sawrkar laipuia Ministry of Power chuan Manipur aiawh a Joint Electricity Regulatory Commission for Mizoram and Manipur (JERC M&M) member thar atan Pu N. Shyamsundar Singh chu a ruat. Pu Singh-a hi kum 1973 khan Electricity Department, Govt. of Manipur hnuaiah AE a lut in , hna chi hrang hrang ; Addl. Chief Engineer, Ministry of Water Resources hnuaia sorkar enkawl agency ah te, MANIREDA ah Technical Consultant hna te leh JERC for M & M ah Chief (Engineering) hna te a lo chelh tawh a ni.
INCHUNG TUR RANGVA SEM
Thingtlanga chhungkaw harsa, inchung rangva nei zo lo te tan Rural Housing Project hnuaiah nimin khan Thingsulthliah RD Block huamchhunga chhungkaw 100 te hnenah a thlawnin Home Minister Pu R. Lalzirliana chuan inchung tur rangva bundle 4 theuh a sem. SDO (Civil) Office Complex, Saitual leh Thingsulthliah BDO Complex a rangva semna hun buatsaih ah hian Home Minister chuan Tlangnuam leh Thingsul a chhungkaw 40 leh Saitual chhehvela khaw 8 atanga chhungkaw 60 thlanchhuah te hnenah rangva hi sem a ni.
DISTRICT LEVEL STANDING COMMITTEE ON SPECIAL SUMMARY REVISION OF ELECTORAL ROLLS, THUKHAWM
Vawiin Dt 13.6.2013 chawhnu dar 2:00 khan District Level Standing Committeee on Special summary Revision of E/Roll chu D.C Office Chamber ah Pu V. Lalremthanga, IAS District Bawrhsap kaihhruaina-in neih a ni.
CHIEF MINISTER HMALAKNAIN CENTRAL SORKARIN INFIAMNA RUHREL RAWN PE
Mizo thalaite tana Central sorkarah Chief Minister Pu Lal Thanhawla’n a thlen angin Union Minister for Youth Affairs & Sports Pu Jitendra Singh chuan rawn hriattirin Urban Sports Infrastructure Scheme hnuai atangin heng a hnuaia tarlan atante hian sum rawn sanction tawh a nih thu lehkhain a rawn hrilh.
CHIEF MINISTER IN SAMTLANG KUM ZA TLIN LAWMNA HMANPUI
Aizawl chhimlam 13 kms-a hla a awm, Hlimen khaw piah chiah a Samtlang khua in vawiin khan an khaw kum za tlin lawmna a khawnawtin an community hall-ah an hmang a, Chief Minister Pu Lal Thanhawla chuan kum za tlin hriatrengna lungphun hawngin a hmanpui.
EDUCATION MINISTER PU LALSAWTA HOVIN LELTE KUM 30 TLIN LAWM A NI
Mizoram kartin chhuak chanchinbu Lelte-in kum sawmthum a tlin lawmna chu vawiin chhun dar 12:00 khan Aizawl Press Club-ah lawmna hun hman a ni a. Education Minister Pu Lalsawta chu khuallian niin, Pu Lal Dingliana, IFS (Rtd), Chief Information Commissioner Mizoram, MJA President Pu C.Lalrambuatsaiha, Information Director Pu Jim K. Chozah leh a thawhpuite leh PIB hotupa Pu Mangjangam Tauthang te’n an hmanpui a ni.
CLEAN LUNGLEI COMMITTEE IN LUNGLEI VAWN FAI DAN TUR REL
Vawiin chawhma dar 10:30 khan Lunglei DC’s Coference hall ah Clean Lunglei Committee member te chu an chairman Pu Joseph Lalhimpuia, Vice Chairman HPC Lunglei leh Lunglei Bawrhsap Pu V.Sapchhunga hovin Lunglei khawpui lo thianghlim zawkna tur relin an thu khawm a. Meeting-ah hian Sub-Committee on Clean Lunglei chuan Faina leh Thianghlimna zirtir na kawnga Lunglei mipuite leh sawrkar te finchhuahna tur kawng hrang hrang an ruahman te bawhzui dan tur kawng dap atan pharh a ni a. Clean Lunglei volunteers committee pawhin Clean Lunglei awareness campaign an neih dan tur ruahman na an siam te leh Clean Lunglei campaign tan hun tur a ruahmanna an siam te an chhawp chhuak bawk a. He Clean Lunglei Campaign atan hian zaithiam Pensy B.Lalthlengliani leh Bethsy Lalrinsangi bakah football pet thiam Lalrindika Ralte (Didika) te chu Ambassador atan an ruat a ni.
AIZAWL CIVIL HOSPITAL REPORT
May 2013 chhunga Aizawl Civil Hospital report chu hetiang hi a ni OPD a inentir zat – 36815; Admit zat - 1293 ; mi zai zat - 1691 ; Naupiang zat - 375 ; X-Ray a en zat - 2566; Lab. a en zat - 45550 ; Khawldang a en zat - 1916; Damlo thi zat - 62; Mizoram pawn lama refer zat- 200.
AIR LIVE PHONE-IN
Tun Inrinni lo awm tur, ni 15 June, 2013, chawhnu dar 1:05 - 2:00 inkar telephone a zawhna leh chhanna; live phone-in hun ah chuan ‘Thingphun uar leh humhalh’ tih chungchang a zawh theih dawn a. mipui zawhna chu :- 1) V.Lalfala, DFO, Aizawl Forest Division 2) C. lalduhthlana, DFO (Forest Protection) leh 3) J. Lalsailova, Traesurer, CYMA Aizawl ami ten an rawn chhang ang. A zawh duh tan telephone No. 0389-2322515 ah emaw 0389-2323148 ah te a biak pawh theih dawn a ni.