MIZORAM KVK NEWSLETTER TLANGZARH
Vawiin khan Pu H. Liansailova, Agriculture Minister chuan a pisa ah Krishi Vigyan Kendra (KVK) Newsletter hmasa ber leilung behchhana eizawngtute hman tangkai turin a tlangzarh. He Newsletter hi Agriculture Department (Research and Education) enkawl KVK pasarih leh Central Agriculture ...
AIZAWL DISTRICT ANTI-TOBACCO SQUAD DIN
'Smoke-Free Mizoram' beihpui thlak kal zelah tun hnai khan Aizawl District huam chhung atan Anti-Tobacco Squad chu Aizawl D.C. Pu C.Thanchhuma Chairman-na hnuaiah din a ni a. Dr. Jane R. Ralte, State Nodal Officer-cum-Project Officer, Smoke-Free Mizoram chu Member-Secretary a ni.
CENTRAL SORKARIN PROJECT ANGIN NLUP A SANCTION
NLUP Project Mizoram sorkar buatsaih Rs. 2873.13 crore project chu Cabinet Committee on Economic Affairs, Govt, of India, chuan vawiin chhun dar 11:00 Meeting ah Mizoram sorkar ruahman ang chiahin an pawmpui ta. Centrally Sponsored Scheme kal mek leh NLUP-a hmalakna tur a inbukthuah awm thei tur te inbukthuah lohna tur in 'Convergence Principle' kalpui tura ruahman a ni a. CSS a sum awm sa rin nghal tur leh NLUP atan-a Central sorkarin a bik taka min pek dan hetiang hi a ni:
AIZAWL CIVIL HOSPITAL REPORT
June 2010 chhunga Aizawl Civil Hospital report chu hetiang hi a ni Admit zat - 1270 ; Puitling zai zat - 1557 ; Naupiang zat - 428 ; X-Ray a en zat - 1934; Lab. a en zat - 13973 ; Khawl danga en zat - 2777 ; Damlo outdoor a en zat - 34464 ; Damlo thi zat - 85. Mizoram pawn lama refer zat 130
AIR, DDK LEH PIB AIZAWL TIH CHANGTLUN A NI DAWN
Aizawl-a All India Radio, Doordarshan leh Press Information Bureau tih changtlun a ni dawn a. July 13 a Guwahati-a sorkar laipui Information & Broadcasting Minister Pi Ambika Soni hi a central media hotute Regional Conference ah thusawiin AIR Director General Pi Noreen Nagvi, Doordarshan Director General Pi Aruna Sarma leh PIB Principal Director General Pi Neelam Kapur te chuan Plan 11 na chhunga AIR, DDK leh PIB tih changtlun anih dan turte an puang a ni.
CABINET SECRETARY PRESS CONFERENCE WEBCAST A NI DAWN
Pu K.M. Chandrasekar, Cabinet Secretary of India chuan National e-Governance Plan (NeGP) leh a kaihhnawih e-services hrang hrang awm tur chungchangah July 16, 2010 tlai dar 4 ah PIB Conference Hall, New Delhi-ah Press Conference a nei dawn a. He conference neih lai hi PIB website www.pib.nic.in ah live a tih chhuah (webcast) a ni ang.
NLUP TALK SHOW NEI DAWN
New Land Use Policy (NLUP) Implementing Board leh Information & Public Relations ( I & PR) Department buatsaihin July 20, 2010 chawhma dar 11 ah I & PR Auditorium-ah neih a ni dawn.
CHAMPHAI DISTRICT LEVEL FARMERS TRAINING NEIH A NI
Vawiin chawhma dar 11 khan Venglai Community Hall-ah Champhai District Level Farmers Training neih a ni a, Horticulture Department Director Pu Samuel Rosanglura chu khuallian niin he hun hi a hmanpui.
CHAMPHAI DC IN RUALBANLO HMANRUA A SEM
Vawiin chawhma dar 11 khan Venglai Community Hall hnuai zawkah District Disability Committee kaihhruaina hnuaiah Champhai khawpui chhunga pianphunga rualbanlo (disabled persons) mi engemaw zat hnenah bengdar, tiang, wheel chair a thlawna semchhuah a ni a. He inkhawm Pu R. Zarsosanga, Addl. DC kaihhruai-a neihah hian heng hmanraw tangkai tak tak te hi Champhai DC Pu Vijay Kumar Bidhuri, District Disability Committee Chairman ni bawk chuan rualbanlote hnenah hian a sem chhuak a ni.
M.P. RUAL LO ZIN DAWN
Sawrkar Laipuia Parliamentary Standing Committee on Chemicals and Fertilizers member 20 leh anmahni tawiawmtu officer 5 te chuan naktuk 16th July 2010 (Zirtawpni) hian zankhat riakin Aizawl an rawn tlawh dawn.