CHIEF MINISTER'S RELIEF FUND
Mi harsa zualte tanpuina turin Congress Committee Unit Zotlang, Lunglei Rs. 10,000/- (cheng singkhat) leh Keitum Group Congress Committee chuan Rs. 2,000/- (Cheng sanghnih) Chief Minister's Relief Fund ah an chhung lut.
WAYSIDE MARKET CUM WAITING SHED
MLA Fund atanga cheng nuaih hnih senga wayside market cum waiting shed Aibawk Village Council ten an khaw kawtchhuah a an sak peihfel tak chu bialtu MLA leh Fund tumsak tu Parliamentary Secretary Pu KS Thanga chuan inrinni June 26 khan a hawng.
SENSITIZATION WORKSHOP BUATSAIH DAWN
Naktuk ni 29.6.2010 (Thawhlehni) hian Mizoram State Tobacco Control Society (MSTCS) buatsaihin I&PR Auditorium ah Infiammi hrang hrangte tan Sensitization Workshop buatsaih a ni dawn a, he hunah hian district tin atangin District Sports Committee leh Association hrang hrang MFA, MATA, MABA, Table Tennis, Badminton, Basketball leh Tennis te sawm an ni. He hunah hian Pu S. Laldingliana, Parliamentary Secretary, Sports chu khuallian a ni ang a, Pu Zoliana Royte, Director, Sports & Youth Services chu Chairman a ni bawk ang.
PANGANG KHAWITU TAN KHAWNVAR LEH HEALTH CARD
Vawiin khan Sericulture Conference Hall ah Pu Nihar Kanti, Minister, Sericulture Department changtu chuan Aizawl District chhunga silk pangang khawitu 40 hnenah Nieng-khawnvar(Solar Lantern) leh Sericulture Department siam Health Insuarance Scheme(for women) a sem. Minister chuan Sawrkar tanpuina pek dawngtute chu khawl leh bungrua te chu hralh chhawng mai lova hmang tangkai turin a ngen.
'CHHIAH PEK HI RAM KHUA LEH TUI TE TAN NEITU NIHNA A NI' - J.H. ROTHUAMA
Taxation Minister Pu J.H. Rothuama chuan ram khua leh tui dik tak ten neitu an nih an lantirna pawimawh ber pakhat chu chhiah pek hi a ni a ti. He thu hi vawiin a PRISM in 'State Level Consultation on Tax Reforms' I&PR Auditorium a buatsaih a hmanpui na a a sawi a ni.
DM&R MINISTER N.K. CHAKMA'N DISASTER MANAGEMENT WORKSHOP A HAWNG
Disaster Management and Rehabilitation Minister Pu Nihar Kanti Chakma chuan vawiin khan Vanapa Hall-ah Workshop on Mainstreaming of Disaster Management into Development Process a hawng. Workshop hi Disaster Management Authority, Govt. of India leh Disaster Management and Rehabilitation Department, Govt. of Mizoram te tangkawpin an buatsaih a ni.
RUIHHLO DONA NI-AH RUIHHLO HALRAL
June ni 26, 2010, International Day Against Drug Abuse And Illicit Trafficking denchhenin tukin dar 7 khan Excise & Narcotics Department leh Mizoram Drugs Control Administration te chuan ruihhlo chi hrang hrang an man sa thubuai chinfel tawh te chu New Secretariat Complex, Khatla-ah an halral a, Pu J.H.Rothuama, Excise & Narcotics Minister chuan khuallian niin a hmanpui.
CONSULTATIVE COMMITTEE THUKHAWM
Nimin chawhnu khan Printing & Stationery Minister Pu P.C. Zoram Sangliana hovin Consultative Committee chu a Office Chamber-ah an thukhawm. He meeting a Consultative Committee member tel te chu Pu Lalrobiaka, MLA Chairman ZIDCO, Pu John Siamkunga MLA, Pu Lalduhawma MLA leh Pu C. Ramhluna MLA te an ni. Pu T. Sangkunga, Secretary, P&S, Pu Siamliana Controller, P&S leh P&S Department hotu dangte he meeting a hian an tel a ni.
PRINTING & STATIONERY MINISTER IN DEPOT LEH GOVT. PRESS TLAWH
Vawiin khan Printing & Stationery Department Minister Pu P.C. Zoram Sangliana chuan Printing & Stationary Depot, Luangmual leh Mizoram Government Press te a tlawh a. Minister hi Consultative Committee-ah member te - Pu Lalrobiaka, MLA Chairman ZIDCO, Pu John Siamkunga MLA, Pu C. Ramhluna MLA leh Pu Lalduhawma MLA te leh Printing and Stationery Department hotuten an tawiawm a ni.
.jpg)
ZOBAWK AH NRHM HNUAIAH FREE CLINIC NEI
Vawiin khan NRHM hnuai a buatsaih a thlawna inentirna Zobawk Vengthar YMA office ah neih a ni. He a thlawna inentirna Public Information campaign puala buatsaih ah hian Lunglei Civil Hospital atangin Dr.C. Lalhlimpuii Medical officer leh a hoten damlote ...