Site Last Updated: 23rd November 2014, 12:03 PM

GOVERNOR IN THALFAVANG KUT A HMANPUI

Mizoram Governor Pu Vakkom Purushothaman chuan vawiin khan khan Tourist Resort Hmuifang a neih Thalfavang Kut ni hnih na a hmanpui. He hun hi Pu H. Zothangliana, Parliamentary Secretary in a kaihruai. Governor chuan sorkarin mikhual hip nan festival a buatsaih thin chu lawmawm a tih thu a sawi a. Mizoram hian kut themthiam thil hrang hrang bakah kan ram mawi tak hi khualzin hip nan tun aia hmang thiam turin a chah.

Governor chuan Mizoram a lo zin te chuan kan hnam lam hi an ngaisang in mawi an tih thu an sawi thin a ni a ti. Khualzin mite kan ram in a hip that hian kan ram sum leh pai dinhmun te pawh a chawikang thei a ni Governor chuan a ti a chuvangin Mizoram hi khualzin mite tan hmun nuam ah siam ang u a ti.

Vawiin hian Mizo lam chi hrang hrang Cheraw, Sawlakai, Siktuithiang lam, Chheihlam te entir a nih bakah zaipawl, mal zai leh group zai te a entir a ngaihthlak a ni bawk.

Written by K. Vanlalsangi MIS, IPRO DATED: 26th November 2011, 3:48 PM | LANGUAGE: MIZO