Site Last Updated: 22nd August 2014, 3:18 PM

Bairabi Dam Project 80MW leh TLAWNG HEP 55MW TAN MOU ZIAKFEL

Vawiin chawhnu khan Chief Secretary Conference Room ah Chief Secretary Pu Vanhela Pachuau hovin Mizoram Sorkar leh Sikaria Power Ltd, Kolkata (SPL) te chuan Bairabi Dam Project - 80 MW siamna tur inremna Memorandum of Understanding (MOU) an ziak. Hydro Electric Power Policy of Mizoram 2010 kalphung zuiin State Empowered Committee on Hydro Electric Project chuan he hna thawk tur hian Sikaria Power Ltd., Kolkata a lo thlang fel tawh a ni. Project atanga kawlphetha siamchhuah 13 % chu State hnenah a thlawnin pek a ni ang a, Project dangte lo kalpui tawh angin Bairabi Dam Project hi SPL hian kum 60 chhung a enkawl dawn a ni. MOU hi Mizoram Sorkar aiawhin Er Jolly Newman, Jt. Secretary, Power & Electricity Department, Er C.L.Thangliana, E-in-C, P&E, leh Er K.Guite, C.E. (Civil), P&E ten an sign a, Company lam aiawhin Avinash Sikaria, Managing Director, Sikaria Power Ltd., Kolkata, Kiron Sankar Naug, Chief General Manager, SPL leh Amit Kumar Jha, Chief General Manager, SPL ten an sign hlawm a ni.

Tin, Tlawng Hydro Electric Project - 55 MW thawk turin Mizoram Sorkar leh M/s Shyam Century Ferrous (A division of Century Plyboards(I) Ltd.), Byrnihat, Meghalaya ten MOU an sign nghal bawk. Project atanga kawlphetha siamchhuah 13 % chu State hnenah a thlawnin pek a ni ang a, Project dangte lo kalpui tawh angin Tlawng HEP hi SCF hian kum 60 chhung a enkawl dawn a ni. MOU hi Mizoram Sorkar aiawhin Er Jolly Newman, Jt. Secretary, Power & Electricity Department , Er C.L.Thangliana, E-in-C, P&E, leh Er K.Guite, C.E. (Civil), P&E ten an sign a, Company lam aiawhin Y.K.Chaudhry, Chief Executive Officer, Shyam Century Ferrous, Meghalaya, Gautam Bora, Asst. General Manager leh Raju Bardhan, Sales Executive ten an sign hnan bawk a ni. Shyam Century Ferrous te hi an hnathawhna ah Aizawl tui tlan a khawih danglam lohna tura hma la tura hriattir an ni bawk.

Vawiina MOU ziahfelna ah hian Power & Electricity Department hotu lian te pawh an tel a ni.

Written by F. Lalfakzuala MIS, IPRO DATED: 10th August 2012, 4:56 PM | LANGUAGE: MIZO