Site Last Updated: 18th October 2014, 5:26 PM

EDUCATION MINISTER PU LALSAWTA’N GOVT. J. THANKIMA COLLEGE WOMEN’S HOSTEL A HAWNG

Vawiin chawhnu dar 2.30 khan Education Minister Pu Lalsawta chuan Govt. J. Thankima College Women’s Hostel, North Campus, Durtlang-ah a hawng. He building hi University Grants Commission (UGC) pawisa peka sak a ni a; a sakna atan hian cheng nuai 40 ruahman a ni a, tun thlenga senso tawh chu cheng nuai 36,32,960 a ni. He hmeichhe hostel hi mi 25 khawsak theihna tura ruahman a ni a; double room 11 leh mi 3 chenna tur room 1 a awm bakah, warden room te, cook room te, choka leh dining hall te, bathroom leh toilet 4 ve ve a awm bawk a ni.

Pu Lalsawta chuan, “Mihringte finna leh thiamna zawng zawng hi a zirakanzir chhuah vek a ni a; mi hlawhtling leh mi ropuite nenakandanglamna ber pawh anmahnia finna leh theihna awmte an haichhuah a, an chawmlen nasat bik vang chauh a ni” a ti.Govt.J.ThankimaCollegezirlaite chu anmahni mai nil ova, khawtlang leh ram tana chhenfakawm ni tura mahni inringtawk chunga lehkha zir tura fuihin, “Pathian hian tumah hi chungnung bike maw, hnuaihnung bike mawturinminsiamlova. Chuvangin,kantheihtawpkanchhuah chuan ram leh hnam tana mi tangkai leh chhuanawm takahkaninzir chhuak thei vek a ni” a ti.

Pu Lalsawta chuan kum thar atanga zirna kalhmang thar thenkhat hman tan a nih tur thu sawiin, “Kum 2013 atang chuan Mizo medium-te chuan zirlaibu thar an hmang tan ang a; kum 2014 atanga hman tan turin English medium-te tan pawh zirlaibu thar buatsaih a ni ang a. Hriatthiamna nena naupang lehkha zirtir te, naupangte tana school kal chu thil chakawm taka siam te chu kan kalphung thar tur a ni a. Naupangten home-work leh zirlaibu rit tak tak an nei thin hi tihkiam kan tum a; Hindi pawh ni tin nuna an hman tangkai theihna tur leh hrethiam chunga an zir theihna turin Roman hawrawpin zirtir an ni ang” a ti

Govt.J.ThankimaCollegehi Durtlang khawtlangin zirna kawnga rualawh avanga an din a ni a; kum 2002 khan deficit dinhmunah hlankai niin, kum 2007-ah Government college-a sengluh a ni. Tunah hian zirlai 716 zet awmin, kum 5 kal ta chhung khan Aizawl khawpui chhunga college-te zingah a zawna result nei tha ber an ni nghe nghe tih Pu Ramhmangaiha Ralte, Principal chuan a sawi. Women’s Hostel hawnnaah hian Pu Lalsawta hi THE Commissioner Pu K. Lal Nghinglova IAS te, Director Pu Zochungnunga te, Jt. Director Dr. Lalnuntluangi ten an tawiawm a ni.

Written by Robert Thangmawia MIS, IPRO DATED: 26th November 2012, 5:49 PM | LANGUAGE: MIZO