Site Last Updated: 29th July 2014, 5:36 PM

SABE THUKHAWM

Vawiin khan State Advisory Board on Education (SABE) chu Education Minister Pu Lalsawta hovin Education Directorate Conference Hall-ah an thukhawm a.

An thu ngaihtuah thenkhatte chu a hnuaia mi ang hi a ni : 1) Elementary leh Secondary Education zirlaibu ennawn . SABE chuan ngun taka a ngaithuah in India ram puma RTE Act hmang a lo nih tak vang leh National Curriculum Framework 2005 in a recommend bawk angin zirna changtlung leh awmze nei zawk neih theihna tur kawng a nih dawn avangin Class I- Class VIII text book hi kum 2013-2014 academic session atanga hman turin ennawn (revised) tha a ti a. He mawhphurhna SCERT in a la anga a tul anga lo pui turin MBSE mawhphurhna pek a ni. Heti Mizoram sorkar ah recommendation siam nise tiin thu tlukna a siam a ni.

2) CCE kalpui dan chungchang : CCE hi RTE in a rawn rawt chhuah leh Education Reforms Commission pawhin a recommend a ni a, CCE kan lo kalpui tawh dawn en chunga a tul anga siam rem a CCE hi zirlai ten thiamna tangkai leh puitling an neih theih nan hman chhunzawm zel turin sorkar ah recommend nise a ti.

3) Teacher Eligibility Test(TET) : SABE chuan zirtirtu tha leh qualified kan neih theih nan mizoram sorkar hian TET hman ve ngei se tha a ti.

4) Mizoram a Polytechnic te chungchang :Vawiin a kan zirna - a sang lam leh a hniam lam kan thlir hian Employment oriented in kalpui a hun ta hle in a hria a. Chuvangin sorkar hian Polytechnic awm tawh sa leh tun a lo awm tur 6 te hi tha taka kan neih a Mizoram a thalai hna hmu lo tam tak te harsatna sutkianna kawng ah awmze zawk a hmalak a nih theih nan SABE chuan hemi kawngah hian sorkarah rawtna thlen.

Vawiin meeting hian agenda dang an ngaihtuah te chu - CTE chu IAST ah hlankai ; State Awardees Teachers te service hun pawhsei ; Middle school leh Primary School headmaster te advance increment pek chungchang te a ni.

Vawiin meeting ah hian Director School Education leh Education Department Senior officer te bakah SCERT, MBSE leh Higher & Technical Department a senior officer engemaw zat an tel a ni.

SABE ah hian Education Minister hi Chairman niin Director School Education chu Member Secretary a ni.

Written by Pratap Chhetri MIS, IPRO DATED: 27th April 2012, 5:24 PM | LANGUAGE: MIZO