Kolasib, 26th October, 2026: Vawiin khan DC Conference Hall, Kolasib-ah Lok Sabha MP Pu Richard Vanlalhmangaiha hovin District Development Co-ordination & Monitoring Committee (DISHA) Review Meeting neih a ni. He hunah hian Kolasib bialtu MLA, Deputy Speaker ni bawk Pu Lalfamkima leh Kolasib Bawrhsap Pu H. Dolianbuaia te pawh an tel a ni.

Thutkhawm kaihruaitu,  Pu Richard Vanlalhmangaiha chuan DISHA meeting-a tel sorkar department hotute chungah lawmthu sawiin, DISHA chu sorkar laipui ruahmanna hnuaia hmasawnna hna thawh hrang hrang thlirhona hun a nih angin a pawimawh hle tih a sawi a. Member-te pawhin ngaipawimawh tur leh rawtna lutte chu chak taka bawhzui zel turin a chah. Line department-te hmalakna chu lawmawm a tih thu sawiin, awmze nei zawk leh chak zawka hmasawnna hna thawh kalpui a nih theih nan department hrang hrangte chu theih tawp chhuah chhunzawm zel turin a chah bawk a ni.

Vawiin DISHA ṭhutkhawmah hian DRDA Project Director Pu Lalmuanpuia leh line department official-ten an thlen chin leh hmalak zel dan tur report an pe a. Sorkar kum kal mek, 1st Quarter leh 2nd Quarter (April – September 2026) chhunga Kolasib District-a sorkar laipui ruahmanna (Centrally Sponsored Schemes) hnuaia hmasawnna hna hrang hrang kalpui dante thlirho niin, hnathawh meka harsatna awmte leh a chinfel dan tur, leh hmalak zui zel dan turte chipchiar taka sawiho a ni.

He thutkhawmah hian sorkar laipui scheme hrang hrang kalpui mekte ngun taka thlirho a ni a. Chungte chu—RD Department hnuaia WDC-PMKSY 2.0, MzSRLM hnuaia Livelihood (Non-farm), PMAY-G leh MGNREGS te; PWD hmalaknate; PHE Department hnuaia AMRUT 2.0; P&E Department hnuaia MNRE (PM Surya Ghar Muft Bijli Yojana - Rooftop Solar); LR&S Department hnuaia DILRMP; FCS&CA Department hnuaia PMGKY; H&FW Department hnuaia National Health Mission (NHM) programme hrang hrangte; Transport Department hnuaia VAHAN leh SARATHI; Agriculture & FW Department hnuaia RKVY, Soil Health Card leh ATMA; AH & Veterinary Department hnuaia hmalaknate; School Education Department hnuaia Samagra Shiksha, PM-POSHAN (Mid-Day Meal) leh NSCBAV (Residential Hostel for girls); Social Welfare Department hnuaia NSAP; Women & Child Development Department hnuaia Saksham Anganwadi & Poshan 2.0 leh Mission Shakti; UD&PA Department hnuaia PMAY(U); Lead Bank Office hnuaia scheme hrang hrangte; Commerce & Industries leh Fisheries Department hnuaia PMMSY; Economics & Statistics Department hmalaknate leh NHIDCL hnuaia hmalaknate an ni.

Aizawl the 26th October, 2026: Vawiin khan Mizoram Youth Commission huaihawtin State Level Storytelling leh Translation Competition I&PR Auditorium-ah ah neih a ni.

He competition hi Janjatiya Gaurav Diwas Pakhwada denchhena buatsaih a ni. Aizawla College 5: Gov't Hrangbana College, Gov't T Romana College, ICFAI University, Gov't Aizawl North College leh Govt Zirtiri Residential Science College atangin zirlai 21 an tel a ni.

He hunah hian MYC Chairman Pu Malsawmzuala Ralte pawhin thusawiin Mizo thalaite tana MYC hmalakna hrang hrang a tar lan bakah Mizo ṭawngin hma a sawn zel a lehkhabu chhiar thalai ten an uar thar theihna turin MYC chuan Promotion of Book Reading Culture a din tih a sawi. Lehkhabu tha leh hlu tak takte mahni tawnga kan neih hian kan tawng thumal a tihhausak bakah, hnam dang zia-rang leh khawsak phung hriatthiamna min pe a, lehkhabu tha chhiar tura letling thin tute hnathawh hi Mizo hnam tana tangkai tak a nih thu a sawi.

He competition a tithate hian pawisa fai leh certificate an dawng. Tihthat dan indawt:

1. FC Lalrinfela, ICFAI University
2. K. Lalngaihawma, Govt T Romana College
3. Rosylin Malsawmsangi Govt T Romana College

He competition hi ni 2 chhung awh tur a ni a, ni 27.10.2016 hian Storytelling Competition neih leh tur niin a hmun ngaiah programme hi hman leh tur a ni.

Aizawl the 26th October, 2026: Home Minister chuan vawiin, October 26, 2026 khan Operation Trident hmanga Mizoram Police, Narcotics Control Bureau (NCB) leh Directorate of Enforcement (ED) te thawhhona kalpui dan chungchangah Press Conference a nei a. A hnuaia mi ang hian Press Statement an ti chhuak.

Home Minister, Mizoram Press Brief (26.10.2026)

Operation Trident – Mizoram Police, Narcotics Control Bureau leh Directorate of Enforcement te thawhhona

1. Mizoram Police, Narcotics Control Bureau (NCB) leh Directorate of Enforcement (ED) te tangkawp chuan 23^rd October (Friday) 2026 khan Ruihhlo tawlh hluar lutuk tuk daih nan leh ruihhlo tawlha inhnamhnawih nasa a Kingpin te man chhuah a, Ruihhlo tawlhna hmanhraw hrang hrang / Narcotic Trafficking Network te chhuchat tura beihpui Operation Trident tia koh chu Mizoram, Assam leh Manipur-ah an kalpui a.

2. Heng agency hrang hrang atanga lak khawm team 38-te chuan hmun 38-ah a rualin Joint Operation neih a ni a – Mizoram chhungah Aizawl, Champhai, Lawngtlai, Zokhawthar, Manipur state ah Churachandpur leh Assam state ah Guwahati ah te beihpui thlak a ni. He operation- ah hian mi 18 man an ni a, detonator 500 leh pawisa fai nuai 12 man niin, bank account 1424 te freeze a ni a, sum leh pai thil neih hlutna cheng vaibelchhe 17.82 hu te provisional attachment a tih a ni.

3. Operation Trident-ah hian Mizoram-a drugs kingpin leh an thawhpui te beihna kawngah Intelligence in share leh thawh hona tha tak a awm a. Ni eng emawzat chhung intelligence thuruk lak khawm te finfiah a ni a, target te thliar hran niin, Mizoram Police leh Central Agencies te inrawnkhawmna high-level-a neih fo hnuah, he beihpui hi drugs syndicate te logistics leh an sum chetvelna a ruala tihchhiatna tur uluk taka duan a ni.

4. Tichuan, hmun khat atanga khaikhawmin, felfai taka kaihhruaina (surgical precision) hmangin multi-agency composite team 38 te chu hmun 38-ah a ruala tirh chhuah an ni a, Assam, Mizoram leh Manipur-ah an kal chhuak ta a. He beihpui hian khawpui lian leh ramri bial pawimawh tak – Mizoram-ah Aizawl, Champhai leh Indo-Myanmar ramri sumdawnna khaw pawimawh Zokhawthar te, Manipur-ah Churachandpur leh Assam-a Cachar transit corridor te a huam a. Hmun harsa leh zau tak tak ni mah se, department hrang hrang thawhhona tha takin tih tur (Search, enquiries, financial audits) engkim tih hlawhtlin a ni. Mi man/target te zingah tlan bo emaw an thil tih dik lo te thupbo hman tu mah an awm lo hi a hlawhtlinna chu a ni.

5. Agency hrang hrangte chet dan:

(a) Mizoram Police: Operation Trident hnuaiah hian Mizoram Police chuan Assam Police, Manipur Police leh Central Agency te nena tangkawpin Assam leh Manipur hmun hrang hrangah operation a kalpui a, inter-state drug tawlhrukna a inhnamhnawiha rinhlelhte chhuina kal mek ah mi 5 man an ni.

An mi man te chu :

Basanta Doley, Elajyoti Pegu Doley leh Jitu Kalita te chu Guwahati, Assam atanga man an ni a, Paotinmang Haokip leh Nemhoiting Khongsai te chu Churachandpur, Manipur atanga man an ni.

He hlawhtlinna hi ngawrh taka intelligence lakkhawm, (backward and forward linkages) leh sum che vel uluk taka chhuina (financial transaction analysis) leh mi rinhlelh te vil zui reng hnua thleng a ni.

Heng misual te hian an inthlunzawmnaah mawhphurhna hrang hrang – forward emaw backward linkage, sum tihfelna lam buaipuitu, leh drugs phurkualtu leh a hralhna sum insemna buaipuitu te an ni ngei a rinhlelh an ni.

(b) Enforcement Directorate (ED):

Directorate of Enforcement (ED), Aizawl leh Imphal Sub-Zonal Office te chuan Prevention of Money Laundering Act, 2002 (PMLA) Section 17 hnuaiah Aizawl, Champhai leh Lawngtlai (Mizoram) leh Churachandpur (Manipur) hmun hrang hrangah money laundering case pathum-ah hma an la a. He hmalakna-ah hian ED chuan Mizoram leh Manipur a Narco-Trade leh Narco-Hawala Operator te kaihhnawih bank account 1424 an freeze a, Mizoram- a awm Narco-hawala operator te thil neih Rs. Vaibelchhe 17.82 hu provisional attachment an ti bawk. Mi 6 te chu PMLA Section 19 hnuaiah man an ni – pahnih Mizoram-ah, pakhat Gujarat-ah leh pathum Manipur-ah.

Hemi beihpui hian hawala operator, mule­account neitu, hmaikawr sumdawnna (Front business) leh Champhai, Aizawl, Lawngtlai leh Churachandpur a Mini-ATM counter operator, leh ruihhlo tawlh nana account pawimawh ekawltu bank branch te a huam a ni.

(c) Narcotics Control Bureau:

NCB chuan Mizoram-ah hmun 13-ah he beihpui hi an kalpui a, mi 7 man an ni a, pawisa fai Rs. nuai 12 leh detonator 500 te chu misual kut atanga man a ni. Operation chhung hian Lalduhawma leh Suitei te chu Aizawl-ah man an ni a, Teresa, Lalbiakhluna, Lalliansanga, Pency leh Laltlanzova Pautu te chu Champhai atanga man an ni bawk.

Operation Trident-ah hian state ramri paltlanga inzawm khawmna mumal tak nena drug tawlhrukna beihna kawngah thawhhona, intelligence in share tawnna leh sum chevel uluk taka chhui pawimawhzia a lantir a. Mizoram Police, NCB leh ED te thawhhona tha tak nena chetna hian drug tawlhrukna a inhnamhnawih te chauh ni lo, sum chevel lo buaipui tute leh chumi thlawptu rinhlelh zawng zawng te nasa takin an chetvelna a chhuchat ngeia rin a ni.

Mizoram Police chuan state leh inter-state mai ni lo, international drugs smuggling network te chu intelligence- kaihhruai enforcement ngawrh tak hmanga inter-agency thawhhona nen, drugs kaihhnawih sualna atanga sum hmuh te tihchhiaa beih zel a tum a. A tum ber chu drugs-free Mizoram leh drugs-free India siam a ni.

Aizawl the 26th October, 2026: Vawiin October ni 26 atangin November ni 1, 2026 chhung hian Vigilance Awareness Week, 2026 chu India ram pumah hman a ni a. Mizoramah pawh vawiin chawhma dar 11 khan Mizoram chhunga office tinah rinawmna thu tiam - Integrity Pledge an chham a ni.

Mizoram Secretariat a thawk officer leh staff te chuan Secretariat Building No.1 kawtah Chief Secretary charge la tu Pu Sudhir Kumar, IAS, Principal Secretary, General Administration Department kaihhruainain Integrity Pledge- rinawmna thutiam an la a. Mizoram puma sawrkar office tina thawktuten Integrity Pledge hi an la a ni.

Central Vigilance Commission bul tumin India ramah kum 2000 atang khan Vigilance Awareness Week hi kum tin hman tan a ni a. India ram tana mi ropui, India rama Deputy Prime Minister leh Home Minister hmasa ber Sardar Vallabhai Patel piancham October 31 chhung khungin, 2000 atang khan Vigilance Awareness Week hi October kar tawp atanga November kar tir chhungin kum tin hman thin a ni. Sardar Vallabhai Patel hi modern All India Services dinchuaktu ah ngaih a ni bawk a, Patron Saint of India’s Civil Servants tiin an ko / vuah hial a ni. Sardar Vallabhai Patel hi mi invawng tak, mi rinawm leh nghet tlat, thil dik leh tha atana dawl mai mai lo a ni a. India ram leh hnam a hmangaihnaah te, a rinawmnaah te, rorelna dik a veina leh a kenkawh kawngah te entawn tlak leh chawimawi ani. Chuvangin he Vigilance Awareness Week hi a piancham chhungkhunga hman a ni.

Vigilance Awareness Week hman tan kum 2000 khan theme / thupui hranpa vuah a ni lo a. Amaherawhchu, Chief Vigilance Commissioner lehkha, June 23, 2000 a a tichhuah hian hetiang hian a sawi a – “Corruption is Anti National, Anti Poor and Anti Economic Development – Eirukna hi ram leh hnam hmelma, retheite rahbeha awm tirtu, miretheite hmelma leh sum lai paia ram hmasawnna dal tu ani.” Hei hi thupui hmasa ber anga ngaih theih a ni.

Tun kum 5 chhunga CVC in Vigilance Awareness Week hman puala thupui a lo siam tawhte chu heng te hi an ni:-
Kum 2022 – Corruption Free India for a Developed Nation: Eirukna tel lo/awmlohna India – Ram leh hnam hmasawn nan.
Kum 2023 – Say No to Corruption, Commit to the Nation: Eirukna hnawl / hawisan la, i Ram tan rinawm inpe rawh.
Kum 2024 – Culture of Integrity for Nations Prosperity – Ram hmasawn nan rinawmna leh dikna vawn tlat.
Kum 2025 – Vigilance: Our Shared Responsibility – Dik leh rinawm tur fimkhur leh invent hi kan zavaia mawphurhna ani.
Kum 2026 – Probity for Prosperity – Hmasawnna leh hnianghnarna to bul chu dikna leh rinawmna a ni.

Mizoram sorkar hnuaia Vigilance Department pawhin he Vigilance Awareness Week, 2026 hman dan tur hmachhawp hrang hrang a siam a. Programme pui ber chu Vanapa Hall ah October ni 28, 2026 Workshop buatsaih tum niin Chief Minister Pu Lalduhoma’n a hman pui dawn a ni. Sorkar hnathawk officers Level 11 & Level 10, Level 12 Officers in Aizawl awm leh College zirlaite -Govt Aizawl College te tel tura beisei an ni. Hriat theih chinah Chief Minister tel a Vigilance Awareness Programme lian tham hetiang a hman hi Mizoram history ah a tum hnihna tur a ni.

He hunah hian a tel zawng zawng ten Central Vigilance Commission in a duan chhuah Rinawmna thuthiam / Integrity Pledge neih ho tur a ni a. Hei bakah hian sawrkar hnathawk zawng zawng tan Online a Integrity Pledge la vek tura hriattirna chu sorkar in a chhuah tawh bawk.

Awareness Gram Sabha hi 31st October 2026 ah buatsaih tura RD & AD ngen an ni tawh bawk a.

Vigilance Department chuan he Vigilance Awareness Week, 2026 pualin 'Probity for Prosperity" tih thupui hmangin Flyer Making Competition a duh apiang tel theihna a buatsaih a. Lawmman hi ni 28.10.2026 a Vanapa Hall-a 'Workshop on observance of Vigilance Awareness Week, 2026' programme hman turah hlan an ni dawn a ni.

He Vigilance Awareness Week, 2026 pual tho hian Mizoram sorkar chuan Walkathon - Vanapa Hall atanga Millennium Centre thleng nei turin ruahmanna a siam bawk a. He walkathon hi Pu Lalduhawma, Chief Minister in a vai liam dawn a ni.

Dated:Aizawl the 26th of October, 2026: Mizoram Tribal Film Festival 2026 atana inpuahchahna kalpui mek zel niin Pi Mina Zoliani Joute, Director, Information & Public Relations hoin I&PR Director office chamber-ah short film leh reels intihsiaknaa jury member te an thukhawm. Mizoram Tribal Film Festival 2026 hi 4th November- 6th November,2026 chhunga neih a ni ang.

Mizoram Tribal Film Festival 2026 hi Support to TRI Scheme hnuaia Ministry of Tribal Affairs, Govt. of India in Mizoram a film industry hmasawna atan leh than zelna atana project a pek a ni a,Art & Culture Department hnuaiah hian Working Committee din niin Art & Culture Department, I&PR Dept. leh Filmmakers aiawhte an tel a ni. Mizoram Tribal Film Festival hi Vanapa Hall, Lianchhiari Run-Mini Theatre leh TRI Complex, Kelsih ah te 4th – 6th November chhungin neih a ni dawn a, festival chhung hian Feature Film 15 leh Documentary 2 thlanchhuahte hi mipui tan a thlawnin en theih a ni dawn a ni.

Film Festival tih hlawhtlin nan hian Short Film Competition leh Reels Making Competition awmin Mizo hnam ziarang phochhuak thei tur thupui thlan a ni a, intihsiak turin movie leh reels tha hnem tak a lut a ni. Short Film(upto 15mins) hian pawisa fai leh memento a keng tel dawn a:

1st Prize – Rs. 2,00,000/- + Memento
2nd Prize – Rs. 1,50,000/- + Memento
3rd Prize – Rs. 1,00,000/- + Memento
Consolation Prize for 7 Movies: Rs. 50,000 theuh a ni ang.

Reels (upto 3mins) intihsiakna hian pawisa fai leh memento a keng tel dawn a:

1st Prize – Rs. 30,000/- + Memento
2nd Prize – Rs. 20,000/- + Memento
3rd Prize – Rs. 10,000/- + Memento

Vawiin thutkhawmah hian endik tu tura ruat Jury Members te chuan endik hna an tan a, members te chu

1. Pi Mina Zoliani Joute,Director, Information & Public Relations
2. Pi Lalengvari, Dy. Secretary, Art & Culture Dept, Govt. Of Mizoram
3. Pu F. Lalthanmawia, Jt Director, Art & Culture
4. Pu Vanlaltlana Varte, Head of Programme, DDK Aizawl (Rtd)
5. Pu C Vanlalsiama, Head of Programme, DDK Aizawl (Rtd)

He festival atan hian Northeast atangin Film Director Pradip Kurbah (Meghalaya) leh Tiakumzuk Aier (Nagaland) te chu sawm an ni dawn a, an ni hian “The Elysian Field” leh “Nana: A Tale of Us” tih movie te chu Mizoram en theih turin an rawn chhawpchhuak dawn a ni. Mizoram Tribal Film Festival 2026 Working Committee chuan mipui te a tam thei ang ber he festival chhim tur hian a sawm a ni.

Siaha, 26th Ocotber 2026 : Pradhan Mantri National Apprenticeship Promotion Scheme (PM-NAPS) chungchang inhrilhriatna leh inziahluh runpui chu Information & Public Relation (I&PR) Conference Hall, Council Vaih, Siaha ah vawiin khan hman a ni.

Labour, Employment, Skill Development & Entrepreneurship (LESDE) Department bultuma hun hmannaah hian Deputy Director Pu Reuben T Kompa chuan thusawiin Pradhan Mantri National Apprenticeship Promotion Scheme (PM-NAPS) chu ṭhangtharten hna an zawn kawngah awlsam zawka hna an hmuh theihna tura sawrkar laipui hmalakna a ni a ti a, kalkhawmte chu scheme hmang tangkai a, an hma hun thlir thiam tur leh mahni inhai kaw thiam turin a chah a, Deputy Director chuan PM-NAPS Portal ah hna zawng lai kum 14 atanga kum 35 inkara mi te chu engtiklai pawn a in zialuh thei a ni a ti bawk.

PM-NAPS hi Sawrkar Laipui Ministry of Skill Development and Entrepreneurship (MSDE) hmalakna niin, a tum ber chu Hnathawh pah a inzirtirna chawi lar a, zirna kalphung pangngai leh hnathawhna hmun mamawhna inkar a suihzawm a ni.

Mamit, 26th October 2026: Pu B. Lalchhanzova, Minister for Food, Civil Supplies & Consumer Affairs Department, visited Tuidam in Mamit district to inspect the ongoing work on the 119.450 km long Panisagar – Aizawl Pipeline, being constructed under the Indradhanush Gas Grid Limited (IGGL) as part of the Northeast Gas Grid Project. The Minister was accompanied by Pu Ravi Dadich, IAS, Secretary, FCS & CA; Pu R. Lalthazuala, Director, FCS & CA; Pu Andrew Vanlaldika, Addl. Secretary; Pu Suvigya S Chandra, IAS, Deputy Commissioner; Er. PC David Lalrinliana, Sr. EE, PWD, NH Division-1; officials from Indradhanush Gas Grid Limited; and the Executive Director of Metallurgical and Engineering Consultants (India) Limited (MECON).

Supply Minister Pu B. Lalchhanzova stated that global conflicts have caused various disruptions, resulting in Mizoram facing cooking gas (LPG) shortages for certain periods. To resolve these domestic cooking energy issues through piped gas connections, approximately ₹9,265 Crore is being invested under the Northeast Gas Grid Project to lay 1,656 km of gas pipelines across various Northeastern states. He mentioned that IGGL is currently working on connecting Mizoram with the Tripura Natural Gas Company Limited. This initiative will first be implemented in Mamit and Aizawl districts, with expectations to reach Mamit town by March – April 2027, and Sihhmui in Aizawl by March – April 2028.

Pu B. Lalchhanzova highlighted that once Mizoram is connected via the gas pipeline, vehicles will be able to run on Compressed Natural Gas (CNG), as seen in other states. He expressed hope that this would significantly reduce the demand for liquid fuel and eradicate the frequent cooking disruptions caused by LPG shortages. He urged IGGL officials to expedite the works so that the citizens of Mizoram can access piped gas connections at the earliest, assuring them that the Government of Mizoram stands ready to provide all necessary assistance to complete the project. The Minister also emphasized the importance of close coordination and cooperation among various government departments, the District Administration, and the local public to secure this permanent, beneficial asset for the state.

During today's inspection of the IGGL project in Mamit district, the Supply Minister assessed infrastructural issues along the Tuidam approach road. It was noted that a 1.5 km stretch of the pipeline route requires widening at several spots. To ensure these adjustments do not disrupt existing road repair plans, officials from IGGL and the PWD held discussions on-site to coordinate their operations.

Under this initiative by Indradhanush Gas Grid Limited via the Northeast Gas Grid Project, the pipeline will connect the Tripura Natural Gas Company Limited (TNGCL) with Aizawl city. The 119.450 km Panisagar – Aizawl link will utilize a 12-inch diameter pipe with a thickness of 7.14 mm, featuring 6 Sectionalizing Valve Stations, 1 Dispatch Terminal, and 1 Receiving Terminal. The pipeline will cover 15.105 km across 6 villages in Tripura, and 104.345 km across 20 villages within Mizoram. The laying of the Panisagar – Aizawl pipeline is being executed by M/s Cortech International Limited under IGGL, with a budget allocation of ₹491 Crore under the Northeast Gas Grid Project.

Mamit dated 26th October 2026: Northeast Gas Grid Project kaltlanga Indradhanush Gas Grid Limited (IGGL) hnuaia Panisagar – Aizawl Pipeline, km 119.450 a thui thlunzawmna tura hmalakna chu Pu B.Lalchhanzova, Minister, Food, Civil Supplies & Consumer Affairs Department chuan an hnathawh mekna hmun, Tuidam, Mamit district-ah a tlawh a. Pu Ravi Dadich, IAS, Secretary, FCS & CA, Pu R. Lalthazuala, Director, FCS& CA, Pu Andrew Vanlaldika, Addl. Secretary, Pu Suvigya S Chandra, IAS, Deputy Commissioner, Er. PC David Lalrinliana, Sr. EE, PWD, NH Division-1, Indradhanush Gas Grid Limited leh Executive Director, Metallurgical and Engineering Consultants (India) Limited (MECON)-te an tel a ni.

Supply Minister Pu B.Lalchhanzova chuan khawvel ram hrang hranga buaina thlengin a nghawng zingah eirawngbawlna LPG ngei pawh heng avang hian hun engemaw chen chu Mizoramin harsatna a hmachhawn phah thu a sawi a. Hemi avang hian in chhung eirawngbawlna chu gas pipe connection a thlunzawm a nih theih nan Northeast Gas Grid Project hnuaiah India hmarchhak State hrang hrangin gas pipeline connection an neih theih nan Cheng Vbc. 9265 bawr vel sengin Gas pipe km 1656 a thui phum hna thawh mek a nih thu a sawi a. Mizoram pawh Tripura Natural Gas Company Limited nen thlunzawm turin IGGL ten hma an lak mek thu a sawi a. He ruahmanna hi Mamit district leh Aizawl district-a kalpui hmasak tur niin March - April 2027 chhungin Mamit khawpui a luh hman beisei a nih thu a sawi a. Aizawl, Sihhmui pawh March -April 2028 hmaa thlunzawm hman beisei a nih thu a sawi.

Pu B.Lalchhanzova chuan Mizoram chu Gas pipeline hmanga thlunzawm a nih chuan ram danga kan hmuh thin, CNG hmanga lirtheite tlan tir theih a nih tur thu a sawi a. Hei hian tuialhthei mamawhna nasa takin a tih hniam a beisei thu a sawi bak ah, LPG mamawh ang tawk hmuh loh avanga eirawngbawlna kawnga harsatna awm thin chu Gas pipeline connection hian a sutkian a beisei thu a sawi a. A rang thei ang bera Mizoram mipuiin gas pipeline connection an hman ve theih nan IGGL hotute chu tan la turin a chah a, he project tih puitlinna tur hian a tul apiangah Mizoram Sawrkar chuan puih an inpeih reng thu a sawi a. Sawrkar department hrang hrangte, District Administration leh khawtlang mipui pawhin, ram tana thil tha, ro tling nei tur hian tanrualna leh thawhhona tha neih a pawimawh thu a sawi bawk a ni.

Vawiina Supply Minister-in Mamit district-a IGGL hmalakna a endikna ah hian Tuidam khaw pawhna kawng avanga harsatna awm chu a hmunah a endik a. Gas pipeline phumna tur kawng km 1.5 vela thui chu hmun engemaw zah ah zauh belh a tul thu sawi niin, he kawng thawmthatna tura ruahmanna awmsa nen a insut buai loh nan IGGL leh PWD lam hotute chuan thawhho dan tur an sawi nghal bawk a ni.

Northeast Gas Grid Project kaltlanga Indradhanush Gas Grid Limited hmalakna hnuaiah hian Tripura Natural Gas Company Limited (TNGCL) leh Aizawl khawpui chu Gas pipeline a thunzawm tura ruahman a ni a. Pasinagar – Aizawl inkar Km 119.450 ah hian gas pipeline 12 inches diameter a lian, 7.14 mm a chhah phum tur niin Sectionalizing Valve Station 6, Dispatch Terminal 1 leh Receiving Terminal 1 a awm dawn a ni. Pipeline hi Tripura State chhunga khaw 6 paltlangin 15.105 Km a thui a awm anga, Mizoram chhunga khaw 20 paltlangin 104.345 Km a awm bawk ang. Pasinagar – Aizawl pipeline thlunzawm hna hi IGGL hnuaiah M/s Cortech International Limited-ten an thawk a, he Project thawh nan hian Northeast Gas Grid Project hnuaiah Rs. 491 Crore ruahman a ni a.

Dated Serchhip, the 26^th October, 2026: Vawiin khan Deputy Commissioner Pu Paul L. Khuma hovin Mizorama Tourism hmasawnna tura hmalakna, District hrang hrang tana inelna 'Chief Minister's Tourist Destination Challenge' chungchang sawi hona DC Meeting Hall, Serchhip-ah neih a ni.

Meeting-ah hian SDC Pu Vanthangpuia'n CM's Tourist Destination Challenge kalphung tlangpuite a sawi fiah a. Serchhip District-a Tourism tih hmasawnna tur atana hmunhma tha tak takte - Zawlpui Zaua Sunflower Festival huaihawt theihna tur hmun te, Bawngchawm - Zawlpui Paragliding tih theihna te, Nagar Van (En tlang), Kawlri Tlang Cultural Heritage Centre te leh Adventure Tourism tih hmasawnna tura hmunhma tha tak tak awmte sawi ho niin, he Challenge atan hian Serchhip District atangin 'Sunflower Festival', Serchhip Zawlpuia neih theih tur chu thlan chhuah a ni a, hlawhtling taka kalpui a nih theih dan tur hrang hrangte sawi ho nghal a ni.

Hemi atan hian DPR siam niin November 25-27 chhungin presentation pek a ni dawn a. He Challenge-ah hian lawmman - pakhatna District tan cheng nuai 2, pahnihna cheng nuai 1.5 leh pathumna cheng nuai 1 te a awm dawn a ni.

Vawiin meeting-ah hian SDO (Sadar), DAO, DIPRO, khawtlang hruaitute, Zawlpui Zaua loneitu FMC aiawh te, Govt. Serchhip College zirtirtu te, MJA President, Mizoram Aerosport Association Sub-Hqrs. President leh Adventure lama thawhhlawk tak Pu Zira PC te an tel a ni. 

Dated Aizawl the 26th October 2026: Tun Inrinni liam ta atang vel khan Chief Minister Pu Lalduhoma 

hi a taksa a chauh deuh avangin a inentir a. Doctor ten uluk taka an endik hnuah thil fel lo engmah an hmu lem lo va. A hah lutuk vangin a rimtawng a ni an ti a. Ni enge maw ti chhung chu chawl hahdam turin thurawn an pe a ni.

Hei vang hian vawiina (26.10.26 Monday) programme a lo duansate chu cancel an ni a. Naktuk lama a lo duansa te pawh, loh theih loh chauh lo chu cancel a ni ang. A Programme neih tur chin chu a kaihhnawih official leh mipuite hriattir an ni ang.

In lama a awm hahdam chhung hian phone-a biak leh Message thawn lama lo insum turin kan inngen a. Amah hmuh kher pawh tum rih lo turin kan inngen a ni.

hief Minister hi office-ah a ni emaw a zinvahnaah a ni emaw khua leh tuiten an hmu deuh reng a, nitin programme chi hnih chi thum a nei zel a. A hunawl neih chhunah leh zan lamah e-office hmangin file a en zel bawk a. Hna hi a thawk nasa em em thin a ni.

Aizawl, ni 24 October 2026: World Polio Day pualin Rotary Club of Aizawl chuan polio laka inven theihna leh Polio tih rem a pawimawhzia mipuite hriattir turin “End Polio Now – Awareness Car Rally” chu ni 24 October 2026 khan a buatsaih.

Rally hi Rotary Club of Aizawl President, Pi Zoe Lalriinpui John chuan Rotary Club of Aizawl Office atangin chawhma dar 10:00-ah a vailiam a. Rotary member 15 zet chuan anmahni motor-te nen he rally-ah hian telin, Aizawl atangin Reiek lam panin an kal a ni.

He Car Rally in a a tum ber chu Polio natna hi inven theih a nih thu leh, naupangte leh mi zawng zawngte damchhuahna atana Polio Vaccine pek pawimawhzia mipuite hriattir a ni. Polio natna hi ven a nih loh chuan kumkhua atan taksa hman theih lohna thlen thei natna a nih avangin, naupang zawng zawngte chu hunbi neiin vaccine pek an nih theih nan mi tin in hma kan lak tlan a ngai hle.

Rotary International chuan kum tam tak Polio paih bo tumin khawvel pum huapin hma a la a. “End Polio Now” tih hi Rotary-in Polio natna khawvel atanga paih bo a tumna kawngah a hman thin slogan pawimawh tak a ni.

Rotary Club of Aizawl chuan he Car Rally hmang hian Polio laka inven theihna chungchangah mipuite hriatna a tihpun a beisei a, Polio paih bo tumnaah mi tinte thawhhona leh tanrualna a sawm bawk.

“End Polio Now” — Polio paih bo turin i tangrual ang u.

Rotary Club of Aizawl

Rotary International District 3240

Aizawl, 24 October 2026: On the occasion of World Polio Day, Rotary Club of Aizawl organised an “End Polio Now – Awareness Car Rally” on 24 October 2026 to raise public awareness about polio prevention and the importance of eradicating polio.

The rally was flagged off at 10:00 AM from the Rotary Club of Aizawl Office by the Club President, Rtn. Zoe Lalrinpuii John. Around 15 Rotarians participated in the rally with their cars, travelling from Aizawl towards Reiek.

The primary objective of the car rally was to raise public awareness about the preventable nature of polio and the importance of polio vaccination in protecting the health and well-being of children and the general public. Since polio can cause permanent disability if not prevented, it is essential to ensure that every child receives polio vaccination as per the recommended schedule. Collective efforts and public participation are crucial in achieving this goal.

Rotary International has been actively working towards the global eradication of polio for many years. “End Polio Now” is Rotary’s prominent campaign slogan advocating a polio-free world.

Through this awareness car rally, Rotary Club of Aizawl hopes to increase public awareness about polio prevention and encourages everyone to join hands in supporting the global effort to eradicate polio.

“End Polio Now” — Let us join hands to eradicate polio!

Rotary Club of Aizawl

Rotary International District 3240

Lunglei, 2026 Khuangchawi Thla ni 24: Tukin khan Lunglei Beautification Committee (LBC) member-te – Health & Family Welfare Minister Pi Lalrinpuii, Lunglei High Powered Committee (HPC) Vice Chairman & LBC Chairman Pu V. Malsawmtluanga, Lunglei Municipal Council (LMC) Executive Councillor Pu Zorinsanga Hmar, Councillor Pu R. Lalremsiama leh Pi Lalmuanpuii Renthlei te chuan Lunglei hmar lam kawtchhuah, Pukpui daia khualzinte lo lawmna tur, Leitlangpui Welcome Gate siamna tur hmun chu a hmunah kal chilhin an en ho va. Pukpui Local Council ai awhte leh political party hruaitute'n an ṭawiawm.

Lunglei Beautification Committee-ah hian Lungleia MLA pali te bakah, LMC councillor zawng zawng (mi 11) chu member niin, an hma lakna hmasa ber atan Lunglei khawpui luhka hmun hnih – Pukpui khaw dai leh Zobawk khaw daiah te "Welcome Gate" hi siam turin an ruahman a. Minister Pi Lalrinpuii chuan he Welcome Gate siamna atana senso tur hi member-te'n an thawh khawm thu sawiin, hemi bakah hian Lunglei khawpui chhung chu mawi taka a lan theihna turin lungrem (retaining wall) awmte mahni bial ṭheuhvah a bialtu MLA leh councillor ṭang hova rawng hnawih thar leh an tum thu leh hmun ṭhenkhatah phei chuan hma lak ṭan a nih tawh thu a sawi.

LBC Chairman Pu V. Malsawmtluanga chuan ATL Road siam mek chu kawng ṭha leh tlo tak a nih theih nan sawrkarin theih tawp a chhuah thu sawiin, kawngpui ṭha neih leh Welcome Gate thar siam tur chu a inhmeh dawn hle tih a sawi a. Welcome Gate siam chu India ram khawpui lianah te pawh an uar thu sawiin, Pukpui daia ṭawngṭaina hmunah ngei hmar lam aṭanga khawpui luhka siam a ni tur chu lawmawm a tih thu leh khualzin te chawlh hahdamna hmun nuam tak a nih a beisei thu a sawi.

Lunglei Beautification Committee hotute chuan LBC ṭhu khawmin a lo rel tawh angin Lunglei khawpui chei mawina kawnga hma lak zelna atan LMC Chairman Pu Lalzuithanga kaihhruaina hnuaiah NGO-te leh heti lama tui mite nen inrawn khawmna (consultative meeting) buatsaih thuai tum a nih thu an sawi.

Leitlangpui Welcome Gate hi Arch. C. Lalhmangaihzuala, CCK Architecture, Salem Veng, Lungleiin a duan (design) niin, a siam dan tur ruahmanna a sawi fiah nghal a. He Leitlangpui Welcome Gate siam nan hian cheng nuai 11.73 ruahman chhin a ni.

Leitlangpui Welcome Gate siam tur hi a liang san zawng hi fit 18 leh a chanve, a chhipah fit 27 leh a chanve leh a zau zawng a chhung lamah fit 31 tura ruahman niin, ⁠RCC hmanga siam tur a ni a. Lung leh thing hmanga chei tur niin, thuziak eng thei (LED signage) leh a chhehvel kap eng tur eng vuah tur a ni a. Khualzinte hip leh titlangnel thei turin Tawlhlohpuan zia leh Mizo hnam ze tar lang thei thil hrang hrang hmanga chei mawi tum a ni bawk.

Aizawl, 24th October, 2026: Vawiin chawhnu khan Home Minister Pu K. Sapdanga chuan Assam Rifles (AR) in an chhuahsan tak ram, Aizawl khawpuia laili a awm chu hmang tangkai tura sorkar hmalakna kalpui mekte a hmunah tlawhin a endik. He hunah hian Land Revenue leh I&PR Minister Pu B. Lalchhanzova bakah PWD, PHE leh UD&PA hotute leh Aizawl Mayor in an  an tawiawm a ni.

Hna thawh dan enfiahtu Home Minister chuan, AR chhuahsan ram hman tangkai dan turah ruahmanna (master plan) fel tak siam lawk vek a nih thu a sawi a. "Hnathawktuten kan mitthlaa kan hmuh dan aiin hna an lo thawk nasa a, a lawmawm hle a ni," a ti. Khaw chhiat  avangin duh angin hna a kal chak theih loh thu sawiin, ruah a ban deuh tawh avangin October thla atang chuan hei aia chak zawka hna thawh theih beisei a nih thu a sawi.

Lammual hnuaia Bypass road siam mek chungchang sawiin, kawng laih hna chu thahnem tak an thawk tawh tih a sawi a. He hmunah hian mipuite tana tangkai tur hmunhma hrang hrang awm dawnin,   thing uihawm tak takte chu a theih chen chenah zuah hram tum a nih thu a sawi a; amaherawhchu, mipuiten an mamawh em em kawngpui erawh siam ngei a ngai tih a sawi bawk. "Treasury Square leh Bazar Bungkawn inkarah motor riah phal a ni tawh dawn lo va, mipuite tana hman tur parking lian tak tak  siam a ni ang," a ti. Sipai in hlui, Quarter Guard building erawh chu thiah lova humhalh  a nih tur thu a sawi bawk.

Vawiin huna PWD leh PHE hotute atanga thu dawn angin  ruahmanna kal mekah he hmunah hian Heritage Court leh Exhibition neihna tur hmunte siam a ni dawn a. Building awm sate chu thawm that tur niin sak belh ngai te pawh sak a ni bawk ang.Lammual hnuaia Bypass road siam thar hian Post Office bulah lut tanin, Saron Veng BCM Biakin bulah a chhuak dawn a ni. He kawng siam hna hi za a 17 chu thawh zawh tawh a ni. kawngpui zauh hna kalpui mek pawh chhunzawm zel a ni a, hei pawh hi zawh fel thuai beisei a ni bawk.

Home Minister chuan sorkar hmalakna leh hnathawktute sulhnu chu hmuh a nuamin a hlimawm hle tih a sawi a. Hnathawh kalphungte thlithlaiin a khat tawka tlawh zeuh zeuh a tum thu a sawi bawk a ni.

24th October, 2026: The Living Museum at Zokhua (Mizo Typical Village), Falkawn, organised every Saturday by the Art & Culture Department, has completed one year. It is the first and only Living Museum of its kind in India.

Today, Director of Information & Public Relations, Pi Mina Zoliani Joute; Deputy Secretary of the Art & Culture Department, Pi Lalengvari, and other officials visited the Living Museum.

To mark the completion of one year, a brief cake-cutting ceremony was held, with tourists visiting the site also invited to participate in the celebration.

The Living Museum has attracted considerable interest from visitors both within and outside Mizoram, particularly tourists from abroad. Zokhua, Falkawn (Mizo Typical Village), was established in 1992 and developed as a mini live museum, designed to recreate a traditional Mizo village as it existed during the time of the ancestors.

The first live demonstration of traditional Mizo life was organised in 2011 under the name Mizo Nun Kutpui. In 2023, in connection with India's hosting of the G20 Summit, a three-day live demonstration of traditional Mizo life was organised for summit delegates and as part of the Chapchar Kut celebrations. The programme was named Zonun Kutpui. Subsequently, two-day demonstrations of traditional Mizo life were organised in connection with Chapchar Kut in 2024, 2025 and 2026.

With the objective of enabling younger generations and children to experience Mizo traditions and customs firsthand, helping students better understand topics covered in their textbooks, and allowing the growing number of tourists to gain a deeper appreciation of Mizo culture, the Art & Culture Department launched the weekly Living Museum programme on Saturday, October 25, 2025.

Since its launch, the Living Museum has received more than 9,600 visitors, approximately half of whom are tourists from outside Mizoram.

The Living Museum is open every Saturday, with an entry fee of ₹200. A 50 per cent concession is available for students of Government Middle Schools and below. The programme is conducted in two sessions: the first from 11:00 a.m. to 1:00 p.m. and the second from 1:30 p.m. to 3:30 p.m.

The programme showcases various aspects of traditional Mizo life, including live demonstrations of Mizo village life, traditional dances, folk songs, indigenous games, traditional cuisine and traditional costumes. Visitors can also purchase traditional Mizo attire to take home.

The Living Museum is organised under the initiative of the Art & Culture Department in close collaboration with various non-governmental organisations in Falkawn, including the Young Mizo Association (YMA), the Mizoram Upa Pawl (MUP) and the Mizoram Hmeichhe Insuihkhawm Pawl (MHIP).

Mizoram is the first state in India to establish a Living Museum of this kind. The Ministry of Tribal Affairs, Government of India, has highly appreciated Mizoram's initiative and has issued communications encouraging other States and Union Territories to develop similar Living Museums to preserve and promote their respective cultural heritage.

24th October, 2026: India rama Living Museum hmasa ber leh awm chhun ni bawk, Art & Culture Department-in Zokhua (Mizo Typical Village), Falkawn-a chawlhkar tin Inrinni apianga an buatsaih Living Museum chuan kum khat a tling ta a. Vawiin khan I&PR Director Pi Mina Zoliani Joute, Art & Culture Deputy Secretary Pi Lalengvari leh official dang ten an tlawh.

Living Museum kum khat tlin pual hian cake zaina hun hman a ni a. Tourist helai hmun tlawhtute pawh a lawmna hun tawi buatsaihah hian an tel a ni.

Living Museum hi ram chhung leh ram pawn atangin tlawhtu an thahnemin ngaihhlut a hlawh hle a, a bikin ram pawn atanga lo kal Tourist ten an tlawh nasa hle. Zokhua, Falkawn (Mizo Typical Village) hi kum 1992 khan din fel a ni a. Mini Live Museum atana buatsaih niin hmanlai kan pipute hun laia Mizo Khua anga siam leh cheibawl a ni.

Kum 2011 khan a vawikhatna atan hmanlai Mizo nun ataka entirna - Live Demonstration of Mizo Typical Life hi neih niin a hming atan ‘Mizo Nun Kutpui’ tih a ni a. Kum 2023 khan India ramin G-20 Summit a thlen denchhenin Summit Palai te pual leh Chapchar Kut lawmna pakhat atan ni thum chhung Live Demonstration of Mizo Typical Life hi neih leh a ni a, a hming atan ‘Zonun Kutpui’ tih a ni a; kum 2024, 2025 leh 2026 khan Chapchar Kut pualin ni hnih chhung  hmanlai Mizo nun entirna hi buatsaih leh a ni tawh bawk.

Tunah hian thangthar leh naupang zawkte’n Mizo nun ze mawi leh chin dan hrang hrangte a tak ngeia an hmuh leh an tem chhin theih nan te, zirlai naupangte tana tangkai tur leh an zirlaibua awmte an hriatthiam lehzual theih nan te, khualzin lo pung zel ten kan hnam nun an hmuhfiah theihna turin Art & Culture Department chuan kartin Inrinni apiangin Hmanlai Mizo Nun Entirna - Living Museum hi October 25, 2025 Inrinni atang khan Living Museum hi a a buatsaih tan a. Tun thleng hian Living Museum tlawhtu hi mi 9600 an chuang tawh a, tlawhtu zinga a zatve zel hi rampawn atanga Mizoram rawn tlawhtu Tourist te an ni.

Living Museum hi Inrinni apiangin Entry Fee Rs. 200/- chawiin a  tlawh theih a; Government Middle School leh a hnuai lam tan 50 % concession siam a ni. Show hi hun hnihah then niin, First Show chu 11:00 AM - 01:00 PM-ah neih a ni a, Second Show chu 01:30 PM - 03:30 PM-ah neih a ni.

Mizo nun dan chi hrang hrang, heng - Live Demonstration of Mizo Village Life, Traditional Dance, Folk Song & Dance, Indigenous Games, Traditional Cuisines, Traditional Costumes te entir thin a ni a, Mizo hnam thuam chi hrang hrang man chawia hak hawh theih a chhawp chhuah thin a ni bawk.

Living Museum hi Art & Culture Department bultumin Falkawn khuaa NGO hrang hrang – YMA, MUP leh MHIP te nen thawhhona tha tak neia kal pui a ni. Living Museum hi India rama buatsaih hmasa ber leh nei hmasa state kan ni a. Ministry of Tribal Affairs, Govt., of India chuan Living Museum tha taka Mizoram State in an buatsaih hi a tha a ti em em a, India rama State leh UT dang zawng zawngte hnenah Living Museum buatsaih tur leh Living Museum an neih theihna tura ruahmanna siam ve turin a hriattirna a chhuah nghe nghe a ni.

Lunglei, 2026 Khuangchawi Thla ni 23: Land Resources, Soil & Water Conservation (LRS&WC) Department huaihawtin vawiin khan Lunglei Convention Centre-ah kuhva chin dan leh enkawl dan zir hona, "Training cum Seminar on Scientific Method of Cultivation of Arecanut and Pest Management" buatsaih a ni a. LRS&WC Minister Pu Lalthansanga chu Khuallian niin, Member of Parliament (Lok Sabha) Pu Richard Vanlalhmangaiha chu Khual Zahawm a ni.

LRS&WC Minister Pu Lalthansanga chuan LRS&WC Department leh Mizoram Kuhva Chingtu Pawl (MKCP) te'n kuhva chingtute tana training-cum-seminar hun pawimawh tak an buatsaih chu lawmawm a tih thu sawiin, Lunglei leh a chhehvela kuhva chingtute'n hlawk taka an hman a beisei thu a sawi a. Mizoramah kuhva chu sumdawnna pawimawh, chhungkaw tam takte tan eizawnna leh sum lak luhna bulpui pakhat a nih thu sawiin, kuhva leh thlai thar chhuah hrang hrangte chu ṭha zawk, tam zawk leh man man zawka hralh thei turin thiamna, zir chianna leh thil thar hriatna a pawimawh thu a sawi a. Tun hnaia chhinchhiah danin Mizorama kuhva huan zau zawng chu hectare 67,380 vel a nih thu leh kum 2025–2026 chhunga thar chhuah zat chu quintal nuai 5.12 vel a nih thu sawiin, India ram kuhva thar chhuak state-te zingah Mizoram chu panganaah a awm tih a sawi a. Thar chhuah tam ringawt aiin a rah ṭhat dan (quality), a man, a hralhna kawng leh a chingtute lak luh tihpun chu a ngaih pawimawhawm zawk thu a sawi.

Minister Pu Lalthansanga chuan lei chhe tur ven, tui vawn ṭhat leh ram hman dan dik zawk ngaihtuah te chu thlai thar chhuahna nen inzawm tlat a nih avangin LRS&WC Department chuan chu lam kawngah chuan theih tawpa hma a lak thu sawiin, kuhva huan pawh lei ṭha, tui mamawh huna hmuh theihna hmunah huan enkawl dan dik taka enkawl a, hri leh rannung laka ven him a ṭul thu a sawi a. Mizoramah kuhva hri leh rannungin huan tam tak a tihchhiat avangin kuhva chingtute'n harsatna an tawk ṭhin tih sawiin, huan enkawl dan dik, hri leh rannung hriat chian, hma taka hriat chhuah leh a remchan dan anga a venna hman a pawimawh thu leh mi thiamte leh scientist-te thurawn zawm a pawimawh thu a sawi a. Central sawrkar hnuaia ICAR-Central Plantation Crops Research Institute leh thiamna nei dangte nen thawk hovin, kuhva hri leh rannung harsatna chhui chian leh a ven dan dik zawk zawng turin hma lak mek a nih thu a sawi.

Minister Pu Lalthansanga chuan chhungkaw tinin eizawnna ngelnghet nei se tih chu sawrkarin a duh ber a nih thu leh chumi atan chuan kut hna thawktute lam hawiin hma lakna tam tak kalpui a nih thu sawiin, zir chianna leh tun lai thiamna beh chhanin thar chhuah hlawk zawk leh a deh ralna man man zawk a awm theih nan hma lak chhoh zel tum a nih thu a sawi a. NEC sum hmanga Zamuang leh Chemphaia kuhva tihrona leh sawngbawlna hmun siam hna thawh mek chu 75% zawh a nih tawh thu leh kuhva rah lo chhuahna huan finfiahna, "Certificate of Origin" siam chungchangah hma lakna pawimawh tak kalpui mek a nih thu a sawi a. Kuhva chingtute mamawh huan panna kawng, tui lak, lei ṭha, thlai enkawlna leh a rah sawngbawlna chungchangah sawrkar chuan theih tawpa hma a lak thu sawiin, Bana Kaih (Handholding) Scheme leh Chief Minister's Special Package ang chi hma lakna hmangin thlai ching duh leh an eizawnna tihchangtlun tumte tan hun remchang a awm reng tih a sawi a. Kuhva chingtute'n harsatna an tawh tam tak chu a nih dan tur taka enkawl loh vang a nih thu sawiin, a enkawl dan uluk taka zir a, mi thiamte rawn a, chu chu zawm hram hram tum turin kuhva chingtute a chah a. Kuhva chingtute chu scheme leh department-in ṭanpuina an pek theihte hre chiang a, an mamawh leh an harsatna chu department hnenah chiang taka thlen zel turin a chah a. Kuhva rah tam leh ṭha mai ni lovin, a chingtute chhungkaw nunphung chawi kan, eizawnna ngelnghet zawk siamsak leh ram leilung humhalh kawp chu sawrkarin a duh ber a nih thu sawiin, ram hman dan dik leh leilung tichhe lo zawnga hma lak te, tui vawn ṭhat leh thlai dang nen a remchan dan anga thlai inkawp chin chungchangah te awmze nei zawka hma la zel turin kuhva chingtute a chah.

Khual Zahawm, Lok Sabha MP Pu Richard Vanlalhmangaiha chuan kuhva chingtute'n harsatna an tawh lian ber pakhat kuhva ro tawlh ruk chu Mizoram sawrkar hotute'n an ngaih pawimawh avangin 99% vel tihtawp theih a ni ta chu lawmawm a tih thu sawiin, kuhva chingtute pawhin an vanneihpuiin, a hlawkna pawh an hmu chho mek nia a hriat thu a sawi a. Mizoram chuan sawrkar leh mipuite thawh hona avangin a ṭha zawngin India rama a ber nihna a hauh chho zel tih sawiin, ziak leh chhiar thiam kim (fully literate) state, ei rukna do kawnga state zawng zawnga pakhatna, ruihhlo do kawnga pakhatna, chhenna tlak boruak thianghlim thua pakhatna leh tui thianghlim kawnga pahnihna a ni chu hmasawnna lawmawm tak a nih thu a sawi a. Kuhva chin kawngah thiamna leh zir chianna beh chhana hma lak a pawimawh thu leh hman laia hriat dan leh tih dan aṭanga hma sawn zel a pawimawh thu sawiin, thlai chin, enkawl leh deh ral kawngah hlawk zawka kalpui turin mi thiam zawkte rawn chungin, hma sawn zel tura insiam rem leh inzir peih a pawimawh thu a sawi a. Sawrkarin kut hna thawktute hma ngaiin, ei leh bara intodelh turin theih tawpin hma a la tih sawiin, kut hna thawktute chu sawrkar hma lakna tiṭhuanawptu ni lova sawrkar puitu ni tura ṭan rualpuiah a sawm.

He hunah hian Lunglei High Powered Committee (HPC) Vice Chairman Pu V. Malsawmtluanga, MLA; Lunglei West bialtu MLA Pu T. Lalhlimpuia; Lunglei Municipal Council (LMC) Chairman Pu Lalzuithanga leh councillor-te; LRS&WC hotute leh department-a thawktute; Lungleia sawrkar official-te; MJA te; kohhran leh tlawmngai pawl hruaitute; political party hruaitute; Mizoram Kuhva Chingtu Pawl (MKCP) hruaitute leh Lunglei District chhunga kuhva chingtu mi 200 vel an tel.

Training hawnna hunah LRS&WC Joint Secretary Pu Mark Lalthanliana chuan inlawmna thu sawiin, United Pentecostal Church (North East India) Lunglei District Secretary Rev. PC Lalfakawma'n hunserh a hmang a. MKCP General Secretary Pu Vanlalruata'n pawl hma lakna chungchang leh kuhva chingtute tana sawrkar hma laknaa an lawm thu sawiin, Pu Vanlalrawna, Bilkhawthlir chuan kuhva chin chungchanga a tawn hriat a sawi bawk a. Zaithiam zai te ngaihthlak niin, LRS&WC Joint Director (Administration) Pi Rosy Lalmuansangi Hmar chuan lawm thu sawiin hun khatna a khar.

LRS&WC Director Er Vanlalmuanpuia Chhangte kaihhruaiin hun hnihna, training hun hman chhunzawm a ni a. Subject Matter Specialist (Horticulture) Pi Zosangliani Varte chuan kuhva chin dan dik leh ṭha (scientific cultivation of arecanut) a zirtir a. Subject Matter Specialist (Plant Protection) Pi Vanlalpeki chuan ei chhetu rannung laka kuhva kung ven him dan leh enkawl dan (pest management on arecanut palm) a zirtir bawk a. Zawhna leh chhanna leh sawi hona hun hman niin, LRS&WC Lunglei District Officer Pu F. Lalramnghinglova'n lawm thu sawiin hun a khar.

Lunglei, 23 October 2026: The "I Kawtkaiah Sawrkar" (Prashasan Gaon Ki Ore) camp, an initiative of the Deputy Commissioner, Lunglei, was held at Rualalung village under Lungsen RD Block today to bring various government services closer to the people and enable them to benefit from government schemes and initiatives.

The camp saw the participation of various departments, including the DC Office, Block Development Office, Animal Husbandry & Veterinary, Agriculture, Horticulture, Health & Family Welfare and Power & Electricity, which set up stalls to provide accessible and convenient services to the public.

Services provided at the camp included the issuance and correction of important documents, enrolment under various government schemes, medical check-ups, veterinary consultations and vaccination, along with awareness programmes on different government initiatives. Around 75 people from Rualalung and neighbouring villages benefited from the services provided during the camp.

Lunglei, 2026 Khuangchawi Thla ni 23: Lunglei District Bawrhsap (Deputy Commissioner) bul tuma mipuite'n sawrkar hma lakna hrang hrangte an chhawr ṭangkai theih nan an khuaa kal chilha service hrang hrang chhawp chhuahsakna, "I Kawtkaiah Sawrkar" (Prashasan Gaon Ki Ore) chu vawiin khan Lungsen RD Block chhunga Rualalung khuaah Rualalung leh a chhehvel khaw mipuite tan buatsaih a ni.

Rualalunga "I Kawtkaiah Sawrkar" hun buatsaihah hian DC Office, Block Development Office, Animal Husbandry & Veterinary, Agriculture, Horticulture, Health & Family Welfare leh Power & Electricity Department te'n stall hawngin, awlsam zawka mipuite dawr theih turin an inpho chhuak a. Lehkha pawimawh hrang hrang siam thar/siam ṭhat, sawrkar scheme hrang hranga inziah luh, damlo inentir, ran damlo entir leh hri danna pek te kalpui a nih bakah, sawrkar ruahmanna hrang hrang chungchang inzirtirna buatsaih a ni a. He'ng service hrang hrang chhawp chhuahte hi mi 75 velin an chhawr ṭangkai a ni.