Site Last Updated: 21st April 2018, 5:26 PM

LATEST PRESS RELEASES

CHIEF MINISTER RELIEF FUND ATAN RS 50,000 PEK A NI

Dr. Chawngthanchhunga leh Dr. Lalchhuankimi te’n Chief Minister Relief Fund atan Rs 50,000 an pek avangin Chief Minister Pu Lal Thanhawla chuan lawmthu a sawi. Mi harsate tanpui duhna thinlung pu a, thahnemngai taka sum leh pai an rawn chhunluh hi tangkai taka hman a ni ngei ang, tiin lawmthu a sawi a ni.
(read more) DATED: 13th April 2018, 5:01 PM
image

CHAMPHAIAH MEASLES-RUBELLA VACCINATION SENSITIZATION CAMPAIGN NGAWRH TAKA KALPUI MEK ZEL A NI

Sawrkar laipui hmalakna hnuaia April Ni 16 atanga neih tan tur naupang thla 9 atanga kum 15 inkarte hnena Measles (Sentut) leh Rubella (German Sentut) laka invenna vaccination campaign chu Champhai District-ah chak taka kalpui mek zel a ni. Vaccination hi District chhunga naupang thla 9 atanga kum 15 inkar mi 40,461 hnena pek tum a ni a. Measles Rubella (MR) Vaccine hi April ni 16, 2018 atanga pek tana ni 30 chhunga District chhunga naupang thla 9 atanga kum 15 inkar zawng zawngte pek vek tur a ruahman a ni a. A tir hapta hnih chhung chu zirna in zawng zawngah pek tur niin, a dawt hapta hnih chhung chu vantlang/khawtlangah kalpui a ni ang a. A tawp hapta khatah chuan pek hmaih palh awmthei venthawn nan thual nawnna Sweeping phase neih tur a ni ang.
(read more) DATED: 13th April 2018, 4:59 PM

NLUP FAIR-CUM-EXIBITION NEIH DAN TUR REL

Vawiin chawhnu khan Champhai DC Conference Hall, Keifangtlangah-ah Bawrhsap Pu Vanlalngaihsaka hovin Champhai District NLUP Fair-Cum-Exhibition Organising Committee an thukhawma . He hunah hian District Level NLUP Fair – cum- Exibition 2018 neih dan tur chungchang ngaihtuah a ni.
(read more) DATED: 13th April 2018, 4:57 PM

PI LAL RILIANI’N ZO FLOWER ARRANGEMENT LEHKHABU A TLANGZARH

Vawiin khan Archives Hall,Babutlangah Zo Flower Arrangement ( Whatsapp) Group buatsaih Pangpar khawi Bu chu Pi Lal Riliani,Mizoram Chief Minister nupui in a tlangzarh. Lehkhabu hi Rs.500/- man ani a, tlangzarhna hmunah Rs.400 /- in a lei theih nghal.
(read more) DATED: 13th April 2018, 4:53 PM
image

MIZORAM YOUTH COMMISSION CHAIRMAN-IN NEDP-ENTREPRENEURSHIP DEVELOPMENT MASTER TRAINER TE THLAHNA A HMANPUI

Vawiin khan NEDP-Entrepreneurship Development Scheme bultuma National Institute of Medium and Small Scale Micro Enterprise (NI-MSME), Hyderbad-a kal tur Master Trainer tur te Mizoram Youth Commission Chairman Pu Joseph Lalhimpuia chuan thlahna hun Economics & Statistics Conference Hall, New Secretariat Complex-ah a hmanpui.
(read more) DATED: 13th April 2018, 4:46 PM
image

46 ASSAM RIFLES-TEN EX-SERVCIEMEN RALLY BUATSAIH

Vawiin khan 23 Sector Assam Rifles hnuaia 46 Assam Rifles bultumin Battalion HQ-a Loch Hall-ah Ex-Servicemen Rally buatsaih a ni a. Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chu Khuallian niin, he Rally hi a hmanpui a ni.
(read more) DATED: 13th April 2018, 3:47 PM
image

ACCOUNTS & TREASURIES ANNUAL REVIEW MEETING-2018 NEIH A NI

Nimin khan Chief Controller of Accounts Office, Accounts & Treasuries Department chuan Annual Work Review Pu Ramchuana, Chief Controller Of Accounts hovin an nei a. April, 2017 atanga March , 2018 chhunga an hnathawh dan thlirhona neiin Section hrang hrang atangin report ngaihthlak a ni a, hetiang hi an dinhmun tlangpui a ni.
(read more) DATED: 13th April 2018, 3:29 PM

PLANNING MINISTER LEH AGRICULTURE (R&E) HOTUTEN HMACHHAWP SAWIHO

Pu Lalsawta, Planning Minister leh Directorate of Agriculture (Research & Extension) hotuten NEDP hnuaia hmalakna te leh hmachhawpte vawiin khan Minister Office ah an sawiho.
(read more) DATED: 13th April 2018, 3:05 PM

THINGTLANG HMASAWNNA TURIN NABARD - IN RS 245 CRORE MIZORAM A PE

Kum 2017-18 chhung khan NABARD (National Bank for Agriculture and Rural Development) chuan Mizoram sawrkar hnenah thingtlang hmasawnna tur Rs 245.00 crore a pe a. Hei hi kum dang zawng aiin a sang zawk kum a ni. NABARD sum hmang hian project hrang hrang kalpui a ni a. Lei dawh te, tui lakna tur siam te, ran enkawlna damdawi in, ran zawrhna hmunpui siam te, thlai thar zawrhna tur siam te, kawng (111km) siam te, rubber chinna tur siam te, Horticulture Department hmalakna a tan warehouse siam te a tel a ni. Project hrang hrang atang hian ni (day) nuai 31 inhlawhna tur a awm a, mi 20000 velin tui in tur thianghlim an neih phah ang a, kut hnathawktute tan ram hectare 159-ah tui lak luh a ni ang a, thlai thar dah thatna leh hralhna changtlung tak siam a ni ang.
(read more) DATED: 13th April 2018, 2:56 PM

HRIATTIRNA

Mizoram sawrkar chuan Chakma Autonomous District Council (CADC)-a 10th CADC General Election lo awm turah mipuiten vote an thlak theih nan CADC huamchhung bikah April Ni 20, 2018 hi chawlh ah a puang.
(read more) DATED: 13th April 2018, 2:53 PM