Member of Parliament (Lok Sabha) seat khat inthlanna chu nimin khan State thenkhat te nen Mizoram ah pawh tluang takin neih a ni a, Saiha District chhunga 39-Saiha (ST)A.C. leh 40-Palak (ST) A.C. constituency bialah pawh inthlanna hi boruak muanawm tak hnuaiah tluang takin neih a ni. Inthlanna tluang taka neih a nih theih nana a buaipuitu zawng zawng leh mipuite chungah District Election Officer / Assistant Returning Officer Pu Rodney Lalrinawma, Saiha DC ni bawk chuan lawmthu a sawi a. Saiha District tana Election Observer Pu Ivan Jyrwa pawhin inthlanna atana inbuatsaihna te chu tha leh lungawithlak a tih thute sawiin inthlanna tluang taka kan hmang chu lawmawm a tih thu a sawi bawk.
Nimin inthlan ni tlai lamah khan beisei loh taka khua a chhiat tak avangin Polling Party thenkhat haw-na kawngah leimin avangin harsatna an tawk deuh a, tum dang ang lovin Saiha pawh an thlen tlai phah deuh a ni.
Vawiin tlai dar 4 thleng khan Polling Party 5 te chuan Saiha an la thleng lo a, hriat theih chinah inthlanna ah hian 39-Saiha (ST)A.C. ah vote 45.94 % a tlak laiin 40-Palak(ST)A.C. ah chuan vote 58.94 % a tla a, chawhrualin District puma vote tlak zat chu 52.22 % a ni. Mizoram pumah Saiha District hi vote tlak thatna ber a ni. Serchhip District tih lohah District dang zawngah chuan 50% aia tlem vek vote thlak a ni. Saiha District pumpuia vote tlak thatna ber chu Palak biala Lope Polling Station ah niin vote 96.67 % a tla a, vote tlak chhiatna ber chu Saiha biala Council Vaih, Saiha niin vote 32.15 % a tla bawk. Saiha khawpui chung bika vote tlak thatna ber chu Thingsen niin vote 73.33 % a tla a ni.
Vawiin tlai dar 4 thleng khan Polling Party 5 te chuan Saiha an la thleng lo a, hriat theih chinah inthlanna ah hian 39-Saiha (ST)A.C. ah vote 45.94 % a tlak laiin 40-Palak(ST)A.C. ah chuan vote 58.94 % a tla a, chawhrualin District puma vote tlak zat chu 52.22 % a ni. Mizoram pumah Saiha District hi vote tlak thatna ber a ni. Serchhip District tih lohah District dang zawngah chuan 50% aia tlem vek vote thlak a ni. Saiha District pumpuia vote tlak thatna ber chu Palak biala Lope Polling Station ah niin vote 96.67 % a tla a, vote tlak chhiatna ber chu Saiha biala Council Vaih, Saiha niin vote 32.15 % a tla bawk. Saiha khawpui chung bika vote tlak thatna ber chu Thingsen niin vote 73.33 % a tla a ni.
