Site Last Updated: 23rd June 2018, 3:42 PM

CHIEF MINISTER-IN UNION HOME MINISTER HNENAH ASSAM LEH MIZORAM RAMRI BUAI CHINGFEL TURIN A NGEN

Vawiin khan Mizoram Chief Minister Pu Lal Thanhawla chuan Union Home Minister Rajnath Singh hnenah lehkha thawnin Mizoram leh Assam in rina, Bairabi-a March ni 10, 2018 a Assam Police-ten Mizo thalaite laka silai an hmetpuak chu pawi a tih thu leh na taka a dem thu a thlen.

Thenawm State dangte ang bawkin Mizoram leh Assam hian ramri intawm, Mizoram UT a nih hnu leh State puitling a nih hnu thleng pawha rin fel loh a nei a. Ramri inchuh thubuai avangin vawi tam tak innghirnghona a chhuak tawh thin a. Hei hian helai hmuna khawsate tan harsatna a thlen fo tawh thin a ni, Chief Minister chuan a ti.

State pahnih inkara ramri chungchang inbiakna hnuhnung ber chu 1995-1996 kum khan Chief Secretary level-ah neih a ni a. Hetah hian State pahnih Chief Minister-te inkara inbiakna neih ni se tia rawtna chu Assam Chief Minister-in a hnial thu he lehkhaah hian tarlangin remna leh muanna a awm theihna tur leh ramri chungchanga inbiakna a hma thei ang bera chhunzawm a nih theih nan Mizoram Chief Minister chuan Union Home Minister chu hma la thuai turin a ngen a ni.

Written by Malsawmsanga, MIS, PIO to Chief Minister DATED: 12th March 2018, 6:43 PM | LANGUAGE: MIZO