Site Last Updated: 22nd February 2018, 1:42 PM

CHIEF MINISTER IN UNION HOME MINISTER LEH DEFENCE MINISTER TE A KAWM

Vawiin khan sawrkar hna pawimawh thawka New Delhi a cham mek Mizoram Chief Minister Pu Lal Thanhawla chuan Union Home Minister Pu Rajnath Singh-a leh Union Minister of Defence Pi Nirmala Sitharaman-i te an Office-ah lenglutin thil pawimawh tak tak a sawipui.

Union Home Minister Pu Rajnath Singh-a chu tlawh hmasa in Chief Minister Pu Lal Thanhawla chuan Mizoram Chief Secretary thar tur chungchangte, Myanmar ram chhunga Mizo hnathakte dinhmun leh Central sawrkar hruaitulu ten an ngaihsak a;  Myanmar sawrkar nen indawrna an neih hunah pawh an subject sawi turah telh ni se a duh thu te a sawi a.Tunhnai Rohingya raltlan te avanga Mizoram in harsatna a tawh theih thu te, Arakan tualchhung buaina avanga Mizoram chhung venhimna tihchak  a tul thu te Union Home Minister chu sawipuiin  Mizoram in a mamawh leh hmalak ngai lai thil pawimawh tak tak te a sawipui a ni.

Defence Minister Pi Nirmala Sitharaman-i nen pawh inkawmna hlawhtling an nei a. Ram venhimna chungchang, Mizoram awmna hmun chu India ram tan a hmun pawimawh bik a nih thu te sawi a nia. Defence hnuaia kawngpui siam mek leh a kaihhnawih Mizoram bik a mi - BRO hnuai kawngpui 5 leh NHIDCL hnuaia kawngpui 6 tebakah   thu pawimawh tak tak Chief Minister leh Defence Minister te chuan an sawi dun a ni.

Written by Malsawmsanga, MIS, PIO to Chief Minister DATED: 13th February 2018, 4:53 PM | LANGUAGE: MIZO