Site Last Updated: 26th May 2018, 5:46 PM

CHIEF MINISTER LEH MZP HRUAITUTE INKAWM

Vawiin chawhnu khan Chief Minister Pu Lal Thanhawla chuan a pisa-ah Mizoram Zirlai Pawl (MZP) Office Bearer-te chu kawmin, Inner Line Reserve Forest (ILRF) chhunga Mizoram leh Assam inrina enfiahna, Joint Verification neih tak chungchang a sawipui.

Kumin March thla tir a Bairabi Zophaia ramri chungchanga buaina a chhuah hnu ah, sawrkar laipui hriatpuina in Mizoram leh Assam aiawhten Joint Verification an nei a. Chipchiar taka enho a nih hnu in state pahnih aiawhte hian Central Home Secretary ho a meeting an nei a; an thil hmuhte chu an State Sawrkarah ve ve thlen tura State team-te hi hriattir niin, chumi hnu ah State Sawrkar chuan Home Ministry-ah thu a thlen leh dawn a ni.

Mizoram Team-ah hian Conservator of Forests, Central Circle chu leader niin, Commanding Officer IR Battalion, DFO Kolasib, ASO Kolasib, SDao (C) Bairabi, President MZP, Jt. VC President Bairabi leh Jt. VC President Vairengte te chu member an ni a. Enfiahnaah hian Home Department aiawh an tel bawk a ni.

Chief Minister chuan Assam leh Mizoram ramri chungchang sawi turin 21.5.2018 (Thawhtanni) hian meeting a ko dawn a ni.
Written by Emily Lalrinpuii, MIS, PIO to Chief Minister DATED: 16th May 2018, 5:49 PM | LANGUAGE: MIZO