Site Last Updated: 21st September 2017, 5:49 PM

DISTRICT EDUCATION COMMITTEE MAMIT DISTRICT THUKHAWM

Vawiin khan District Education Committee Mamit District chu an chairman Pi Lalbiaksangi, District Bawrhsap hovin D.C Conference Hall, Mamitah thutkhawm a ni. 

Vawiin thutkhawm-ah hian Mamit District chhunga zirna in hma a sawn theihdan tur hrang hrangte sawiho a ni a, RMSA hnuaia kum 2016 chhunga hmalakna hrang hrangte chipchiar taka ngaihthlak niin kumin kum kal lai meka hmalakna tur leh hmachhawp hrang hrangte meeting-ah hian thlir hova sawihona leh zawhna leh chhanna hunte hman a ni bawk. 

Meeting hian kumin 2017 Teachers Day hman dan tur sawiho nghal niin he ni hi District khawpui bakah District chhung Sub Division hrang hrangahte uar  taka hman nise tih a ni a,  Mamit khawpui chhungah hian Chhimveng YMA Hall ah chawhma dar 11 ah hman ni se tia rel niin, zirtirtute chawimawina thuziak kawn remchang laia te tar leh nise tih a ni a. He ni kaihhnawiha thil tul hrang hrangte sawiho nghal a ni bawk. 

Kumin Teachers Day ah hian kum dang a la tih ngai lo District  Teachers Award siam ni se tih a ni a, tehfung hrang  hrangte leh tuldang buaipui ngaite lo buaipui turin Sub Committe vawiin meeting hian a ruat  nghal bawk a ni. 

Vawiin meetingah hian District Education Committee Member an tel tha hle a ni.

Written by Paul Rokima, MIS, DIPRO Mamit DATED: 17th July 2017, 4:36 PM | LANGUAGE: MIZO