Site Last Updated: 17th October 2017, 4:11 PM

ELECTORAL ROLL OBSERVER-IN CHAMPHAI DISTRICT-A SPECIAL SUMMARY REVISION 2018 KALPUI DAN A ENDIK

Electoral Roll Observer Pu H.Lalengmawia, IAS, Secretary, P&E, Irrigation, etc chuan vawiin khan Champhai District chhunga Special Summary Revision of Electoral Roll 2018 kalpui dan endikin Election Official te bakah NGO leh Party hruaitute a kawm.

Pu H.Lalengmawia chuan Champhai District-a Election Official te hnathawh dante ngaithlain an report pawh a tha a tih thu a sawi a, Electoral Roll chungchanga thu pawimawhte sawipuiin mahni lungawina tling khawpa theihtawpa tan la turin a fuih. Electoral Roll Observer chuan NGO leh Party hrang hrang hruaitute kawm lehin Election hlawhtling taka neih a nih theih nan Roll Revision hi a pawimawh tih a sawi a; Party hruaitute pawhin Booth Level Agent (BLA) an ruat ngei a pawimawh thu a sawi bawk. Electoral Roll-a inthun hi a tawpna ni lovin vote an thlak ngei tura tanlak a ngai a ni, a ti a. Inthlan leh huna vote thlak 90% tal tlin tum turin nasa lehzuala tan la turin a sawm nghal bawk a ni.

Champhai District huamchhungah hian MLA bial panga (5) awmin Polling Station 135 a awm a. Special Summary Revision of Electoral Roll 2018 neih mekah hian India khua leh tui dik tak, ni 1.1.2018-a kum 18 tling chin tan Electoral Roll-a luh dil theih a ni a. Hemi bakah hian Electoral Roll atanga paih, dik lo siamthat leh awmna insawnte pawh a theih bawk. Tuna report lut tawh chinah Form hrang hrang 1841 dawn tawh a ni a. Dilna hi ni 13.10.2017 thlengin mahni awmna Booth Level Officer (BLO) te hnenah thehluh theih a ni.

Written by Dr. Lallawmkima Thangluah MIS, DIPRO Champhai DATED: 12th October 2017, 4:44 PM | LANGUAGE: MIZO