Site Last Updated: 21st April 2018, 5:26 PM

HIGH COURT JUDGE-IN LAWNGTLAI A TLAWH

Gauhati High Court, Aizawl Bench-a Judge Hon'ble Justice Nelson Sailo chuan Lawngtlai tlawhin, tukin khan Lawngtlaia Law & Judicial Department building hrang hrang a en kual.
High Court Judge Pu Nelson Sailo hi Lunglei District & Sessions Judge Pu R. Thanga MJS, GHC Registrar Pi Helen Dawngliani MJS bakah, High Court leh L&J Department-a officer eng emaw zatin an tawiawm a. Lawngtlai CJM Pu BT Lala Sakachep MJS leh Lawngtlai District Court-a advocate-te'n lo dawngsawngin, building hi an lo en kualpui a ni.
Pu Nelson Sailo leh amah tawiawmtute hian Lawngtlai DC Complex-a District Court building hman mek chu tlawh hmasa berin, a dinhmun an en fiah a. Chumi zawhah Lawngtlai Vengpuia Judicial Officer's Quarters pathum sak mek chu tlawh lehin, chak zawk leh tha zawka sak chhunzawm zel dan tur an en a. A satu contractor-te nen pawh hna kalpui zel dan tur an sawi ho bawk. Chumi zawhah Lawngtlai College Venga District Court sakna tur hmun chu en leh nghalin, rem leh daihzai taka building sak theih dan tur an thlir ho a ni.
Written by C.Lalhruaitluanga, MIS, DIPRO Lawngtlai DATED: 14th April 2018, 3:51 PM | LANGUAGE: MIZO