Site Last Updated: 19th February 2018, 6:35 PM

INDIAN INTERNATIONAL TRADE FAIR (IITF)-AH MI 11 TEL

Vawiin khan Indian International Trade Fair (IITF) 2017 chu Pragati Maidan, New Delhi-ah India President Ram Nath Kovind chuan a hawng a. Mizoram atangin mi 11(sawmpakhat) an tel a. Mizo thilsiam chi hrang hrang  entir niin zawrchhuah nghal a ni.

November Ni 18, 2017 hian Mizoram day hman a ni dawn a. Chief Guest atan Union Minister of State for MSME Giriraj singh chu sawm a ni.    

IITF-a Mizo telte hian in an thilsiam chhuah danah Fair atang hian hmang chang tha zawk, hlawk zawk leh awlsam zawk an zuk zir chhuah phah fo thin a; an thilsiam leitu state pawn atangin an lo hmuh phah tawh thin a. Tun tumah pawh hian exhibitor-te hian an chhawr tangkai ngei a beiseiawm a ni.

Written by Lalruatpuii Hnamte MIS, IPRO DATED: 14th November 2017, 3:46 PM | LANGUAGE: MIZO