Site Last Updated: 27th July 2017, 8:04 PM

JICA LEH MIZORAM SAWRKAR THAWHHONA TUR TECHNICAL PROJECT THAR BUL TAN A NI

Vawiin khan Irrigation & Water Resources Chief Engineer's Committee Room ah Mizoram sawrkar leh Japan International Cooperation Agency (JICA) te thawhhona tur Technical Cooperation Project "The Project on Capacity Enhancement for Sustainable Agriculture & Irrigation Development in Mizoram" kick-off meeting neih a ni a, JICA Team leh Line Department hrang hrang I&WR Department, Agriculture Department, Horticulture Department lrh land Resources, Soil & Water Conservation Department te he meeting ah hian an tel a, JICA Team hi Chief Advisor Shigeki Yamaoka hovin mi pali an ni. 

He project hi ei leh bar a Mizoram a intodelh theih na tura JICA in Master Plan a lo siam tawh tihhlawhtlinna atana hmalakna a ni a, October ni 26, 2016 khan inremna "Record of Discussions" pawh Mizoram sawrkar aiawhin Pu Lalmalsawma, Chief Secretary leh JICA aiawhin Pu Takema Sakamaoto ten an lo ziak tawh a ni. 

He Technical Cooperation Project hi kum 5 (July 2017 - June 2022) chhung awh tur a ni a, he Project in a tum ber chu Mizoram sawrkar hnathawkte hnena ei leh bar a intodelhna tur a hmalakna atana tangkai  thiamna hlanchhawn a ni a, he project kalpui na tur atan hian Mizoram chhunga Rural Development Block pali - Bilkhawthlir (Kolasib District), Aibawk (Aizawl District). Serchhip (serchhip District) leh Champhai (Champhai District) te thlan a ni.

Written by Andrew H. Lalremruata MIS, IPRO & Media Officer, NIB DATED: 17th July 2017, 4:35 PM | LANGUAGE: MIZO