Site Last Updated: 21st September 2017, 5:49 PM

LUNGLEI-AH DC HOVIN INDEPENDENCE DAY 2017 INPUAHCHAHNA THLIRHONA NEIH A NI

Nimin chawhnu khan Lunglei Bawrhsap Pi Lalzarmawii, IAS kaihhruaina in DC’s Conference Hall, Lunglei-ah Department hrang hrang leh tlawmngai pawl aiawhten Independence Day 2017 Lungleia hman tur inpuahchahna  an thlirho. 

Lunglei Independence Day 2017 lawmna inkhawm hi Thuamluaia Mual-ah August ni 15, 2017 zing dar 9:00 ah tan a ni anga, School Education Minister Pu H. Rohluna chu khuallian a ni ang. Lunglei DC Pi Lalzarmawii chuan Department hrang hrangte inbuatsaihna leh inpekna chu lawmawm a tih thu sawiin Independence Day 2017 ropui taka hman a nih theih nan mahni chanvo hlen chhuak theuh turin a chah a. Hmalakna hrang hrang tarlan niin programme duan sa a thlak ngai an tih te kalkhawmten an sawiho a. VIP’s At Home neih na tur hmun thlak danglam niin Chhun dar 12:00 ah Convention Centre Hall, Lunglei ah khuallian ho in hman a ni ang.   

Ni 14.08.2017 tlai dar 4:00 ah Independence Day 2017 a khuallian tur Minister Pu H. Rohluna chu Circuit House Lunglei ah Head Of Department zawng zawng ten an hmuak dawn a ni.

Written by C. Lalremruati, MIS, DIPRO Lunglei DATED: 12th August 2017, 12:43 PM | LANGUAGE: MIZO