Site Last Updated: 23rd September 2017, 1:56 PM

MADC HNUAIAH ADMINISTRATIVE REFORM COMMISSION OFFICE HAWN A NI

Vawiin  Chawhma dar 11:00 Am khan Pu.N.Zakhai, Chief Executive Member, MADC chuan MADC hnuaia Administrative Reform Commission Office a hawng. He hawnna inkhawm hi Pu V.Zacho, Executive Secretary, MADC chuan a kaihruaia, Rev.Thylua Hlychho, Moderator, ECM (Evangelical Church of Maraland) chuan hunserh a hmang. 

He ARC hawnna inkhawmah thu sawiin, Pu. Zakhai chuan,MADC-a congress kaihhruai sorkar chuan an Election Manifesto anga hma a lak zel a tum thu leh he Administrative Reform Commission pawh hi chutianga hmalakna chi khat chu a ni  tiin, he ARC hian  MADC hnuaia  inrelbawlna tha zawk leh felfai zawk  a hrinchhuah mai bakah,  Mararam leh MADC hmel pawh a tha zawnga a thlakdanglam ngei a beisei thu a sawi.           

Pu. K.Riachho, IAS (Rtd), Chairman, ACR (Administrative Reform Commission) pawhin thusawiin, sawrkar tha nei tur chuan sawrkar hnathawh leh hmalakna reng reng a  langtlang (Transparent) tur a ni a. Sawrkar chuan a rawngbawlsak mipui te ngai pawimawh chunga dan leh dun ang thlapa hna a thawh thiam a pawimawh hle a ni ,a ti bawk. 

ACR (Administrative Reform Commission)  Member te chu: 

1.      K.Riachho IAS (Rtd), Chairman

2.      Derrick Salai, Editor of Debate, Member Secretary

3.      Beila Khithie MCS (Rtd), Member

4.      TA.Chhotu Former Executive Secretary, MADC, Member

5.      V.Zacho Executive Secretary, MADC, Member 

Vawiin ARC hawnna inkhawmah hian Pu.S.Hiato, President, MDCC & Ex.Minister pawhin thusawina hun a hmang a, sawmbik Siaha District mi pawimawh te leh MADC Official te an tel kim hle a ni.

Written by N. Vabeiratlua, MIS, DIPRO Siaha DATED: 13th September 2017, 4:50 PM | LANGUAGE: MIZO