Site Last Updated: 19th February 2018, 6:35 PM

MAMIT-AH CHILDREN'S DAY HMAN A NI

Vawiin khan hmundang rualin Chhimveng YMA Hall Mamit-ah Childline CPD Mamit leh District Legal Service Authority Mamit buatsaihin Children's Day hman a ni a, C.Lalrinhlui, Childline Co-ordinator, Mamit chuan he hun hi a kaihruai a ni.

Children's Day hmanpuitu  Pi Gracy L. Bawihtlung, Chief Judicial Magistrate, Mamit District chuan sik leh sa inher chhoh danglam dan chungchang sawiin kan chenna khawvel lo lum zel avang hian khawvelin harsatna tam tak a tawk chho mek zel a, hemi sukiang tur hian naupangte pawhin aw kan chhuah a tul a ni tiin climate chungchangah naupang kalkhawmte chu intiamna/thutiam(Pledge) a neihpui nghal a ni.

Mamita Children's Day hmannaah hian Mamit khawpui chhunga High School hrang hrang naupangte'n special item an nei a. Pu Ronghakliana Chhangte, Chairperson, Child Welfare Committee Mamit pawhin thusawina a nei bawk a ni.

Vawiin Children's Day hmannaah hian zirlai naupang kalkhawmte chu ruihtheihthil laka fihlim tura intiamna Signature campaign neihpui nghal an ni bawk.

Written by Paul Rokima MIS, DIPRO Mamit DATED: 14th November 2017, 4:11 PM | LANGUAGE: MIZO