Site Last Updated: 21st February 2018, 10:06 AM

MARCH 2018 A BRU LAKLET (8TH AND FINAL BATCH) DAN TUR NGAITUAHIN KOLASIB DISTRICT LEVEL COMMITTEE THUKHAWM

Vawiin khan DC Conference Hall Kolasib ah kum 2018 March thla a Bru Laklet dan tur ngaituahin District Bawrhsap Pu R Zarzosanga kaihhruaina hnuai ah a kaihnawih Official te an thukhawm.

Thutkhawm ah hian Kolasib District a Bru laklet dan tur Road map a Route B chu sawi zau niin, kanhmun-zamuang-Bairabi kawng an zawh anga, Bairabi chu Staging Area (zan 1 riahna tur) tur niin hemi hnu hian khaw 10 a sem darh tur an ni a. Chenna tur hmun nghet an neih hma in Chenna tur lailawk (Temporary Shelter) siamsak an ni anga, an awm nghehna tur hi kar 1 chhunga peihfel tura beisei niin hemi buaipui tur hian Home Department atangin Liaison Officer ruat niin, District Level atangin Administrative Officer 10 leh Supporting staff 3 ruat an ni bawk a, an mahni puibawm tur hian Village Council leh NGO hruaitute ngen nise tiin thutkhawm chuan a rel bawk a ni. Thutkhawm ah hian Bru te laklet dan tur Route B chu a a kal fuloh takin Route A pawh duan a nih thu tarlan bawk a ni.

March 2018 a Bru laklet tur te hi Tripura a Camp 6 atangin chhungkaw 824 an ni a, Kolasib District chhunga khaw 10 a sem darh tur an ni. Bru laklet nan a Zinna senso, chhena in sakna tur, chen lailawk na tur, ration leh a kaihnawih dang a tana Senso tur cheng 184,421,317.60/- chu District Level atangin Home Department ah thehluh a nih tawh thu tarlan bawk a ni a, January thla lai hawl vela thutkhawm leh tura rel bawk a ni. He hunah hian Kolasib Addl DC Pu Laltanpuia Hnamte, 1st Battalion IR Dy Commandant Pu Biakkila, Kolasib SDC Pu Lalrinawma Khiangte, Kolasib SDPO Pu C. Lalruatkima bakah Administrative Officer te an tel a ni.

Written by Collin Hlychho MIS, DIPRO Kolasib DATED: 5th December 2017, 5:07 PM | LANGUAGE: MIZO