Site Last Updated: 26th May 2018, 5:46 PM

MINISTER PU ZODINTLUANGA’N KOLASIB SPORTS’ STADIUM SAK MEK TLAWH

Vawiin Khan Sports’ Minister Pu Zodintluanga chuan Kolasib Venglai a Sports’ Stadium sak mek chu a hmunah kalin a enfiah.

Minister chuan hmasawnna tur atana ram kalsiam chho zelah rahbi pawimawh tak, stadium sakna tur Venglai YMA in phal taka ram an pe chu a lawmawm takzet a ni a ti a. khawtlang Mipuite pawhin lawm nachang hria a Sawrkar hmalakna hrang hrangte tawiawm zel turin a sawm a. Sports infrastructure ah thalaiten rual an awh lohna turin Sawrkarin chak takin hma ala chho mek zel a ni a ti a. Chak taka hnathawh anih theih nan a satu te chu phur taka tawiawm thin turin he huna khawtlang hruaitu kalkhawm te chu a chah a. Kumin Independence Day Football Tournamnet chu Kolasib thalaiten Football Stadium ah ngei an khelh a beisei thu a sawi bawk a ni. He hunah hian Pu Zodintluanga chuan Stadium sak hna thawktu Engineer te kawmin Stadium chu hun bituk chhunga sak zawh hman tum ngei turin a chah a, harsatna an nei leh neiloh te zawtin State Sawrkarin an titheih chin ah chuan engtik lai pawha puih an inhuam reng thu a sawi a ni. Hemi bakah hian PHE Minister ni bawk Pu Zodintluanga chuan Kolasib mipuiten tui hnianghnar zawka an dawn theih nan a pump na tur khawl thar chu an dah tawh thu tarlangin tui pipe thar leina tur pawh order fel vek tawh a nih thu a tarlang bawk a ni.

Sports Stadium sak mek hi Ministry of Urban Development (Govt of India) sum senga sak niin a enkawltu tur Nodal Agency chu Urban Development & Poverty Alleviation (UD&PA) Department, Govt of Mizoram a ni a, a satu hi National Buildings Construction Corporation (NBCC) Ltd. niin Central Sawrkar atanga sum release dana zirin March 31 2018 a sak zawh hman tura beisei a ni.  Stadium zauh zawng hi 100m*65m a ni a football ground FIFA Standard phullem phah ani ang a, 8-lane synthetic running track siam a ni a bawk ang, Shot put ring, Discuss throw ring, long jump Track and pit bakah gallery leh Parking na hmun tur siam a ni dawn bawk a ni.

Written by Collin Hlychho, MIS, DIPRO Kolasib DATED: 12th January 2018, 3:04 PM | LANGUAGE: MIZO