Site Last Updated: 25th March 2017, 5:08 PM

"RUI BUAI SI LOVIN TAKSA HAHCHAWLHNA HUN KAN INSIAMIN KAN HMAN THIAM A NGAI A NI" - TOURISM MINISTER

Tourism Minister Pu John Rotluangliana chuan taima leh hah taka hnathawh zawh hnua hahdamna hun tha neih loh chuan hriselna in a tuar theih avangin hlim tak leh nuam tak, rui buai si lovin hahchawlhna hun kan insiama kan hman thiam a ngai a ni, a ti. He thu hi vawiina Mt. Rephidim Park, Bung Bangla ami a hawnnaah a sawi. A hawnna hun hi Parliamentary Secretary for Home, etc. Lt. Col.(Rtd) Z.S. Zuala chuan a telpui bawk a ni.

Tourism Minister chuan Mizote hi hnathawh that lamah hma kan sawn viau a, thawh nachang hrelo karah taima leh thahnemngai tak tak an awm hi a lawmawm hle a; Kan thawh hah hnu a taksa tihhahdam nachang kan hriat erawh a pawimawh a ni, tiin chutianga han lenchhuahna hmun thengthaw leh nuam tak chu kan mamawh thu a sawi a.

Vawiina Mt. Rephidim Park hawn tak pawh chu naupang tê atanga puitling thlenga an len theihna hmun a nih avangin tangkai taka hman a nih a beisei thu a tarlang bawk. Mt. Rephidim Park-ah hian naupang intihhlimna hrang hrang - trampoline, kids' swimming pool, wall climbing, leh thildang a awm bakah puitling tan pawh tih tur hrang hrang a awm a ni.

Written by Emily Lalrinpuii Sailo MIS, IPRO DATED: 18th March 2017, 3:31 PM | LANGUAGE: MIZO