359/2024-2025 

Khawzawl, 25th April 2024: Khawzawl Bawrhsap Pu K. Lalrohlua chuan African Swine Fever laka mipuite an lo him theih nan Section 144 CrPC in thuneihna a pek angin a hnuaia mi ang hian thupek a chhuah.

Tunlai hian Mizoram hmun thenkhatah leh a bikin Champhai District huam chhunga African Swine Fever (ASF) natna leng mek chuan kian lam a la pan thei lo tih District AH & Veterinary Officer, Khawzawl in report a rawn pe a, he hri laka Khawzawl District mipuite kan fihlim theihna tûrin a hnuaia târlan ang hian khuahkhirhna thupêk chhuah a tul a.

Chuvangin, kei, K. LALROHLUA, DISTRICT MAGISTRATE, KHAWZAWL DISTRICT chuan Section 144 CrPC, 1973 in thuneihna min pêk angin a hnuaia thupêk hi ka chhuah e :-

1. Khawzawl District huam chhungah india ram pawn atang leh District dang atangin vawk, vawksa leh vawksa atanga siam thil rêng rêng lâkluh leh thawn chhuah phai a ni lo.

2. Tualchhung Vawk talh tur rêng rêngin Vawk hrisel tha ngei a ni tih finfiahna Competent Authority atangin an nei ngei tûr a ni.

3. Vawk damlo nei rêng rêng ten a rang thei ang berin District Vety Hospital-ah emaw VC te hnenah emaw report thin tûr a ni.

4. Vawk thi rêng rêng panh mai lovin thuk takah phùm thin tur a ni.

5. Vawk neituten Vawk damlo an hralh/talh tûr a ni lo.

He thupêk zawm lote chu IPC Section 188 hmanga hrem theih an ni ang. He khapna thupêk hian thupêk dang tihchhuah a awm a nih loh chuan, thupêk chhuah a nih atanga thlahnih chhung a huam ang.

He thupêk hi vawiin Ni 22 April, 2024 hian District Magistrate Seal nemin ka hming ka ziah hnan e.