4633/2023-2024

Aizawl, 17.04.2024: Vawiin khan Aizawl DC leh Lok Sabha Inthlanpui 2024 atana Mizoram parliamentary constituency atana Returning Officer Pi Nazuk Kumar hovin 3rd Randomization of Polling Party - Polling Official te duty na tur Polling Station khawl hmanga thliar felna neih a ni a, General Observer Pu Nipun Vinayak chuan Video Conference kaltlangin randomization hi a ho bawk a ni.

Vawiin vek khan CEO thupek angin training atana hman EVM te chu reserve a dah belh turin buatsaih an ni a. Khawl 15 chu First Level Checking tih zawh ah 1st leh 2nd Randomization tiin, thawnchhuah tura buatsaih fel nghal an ni. Party tin aiawh ten an enpui vek bawk a ni. Nodal Officer for EVM/VVPAT Pu Lalremruata Kullai chuan vote thlak ni hmachhawn tura inbuatsaihna a that thu sawiin, reserve atan EVM leh VVPAT khawl engemawzat chu dah a nih tawh thu sawiin, chumi belhchhah tur chuan training atan hman thenkhat chu vawiin hian commission belh leh a nih thu a sawi.

Naktuk (18.4.2024) hian Aizawl District chhunga Polling Party duty turte chu AMC Sports Complex, Bawngkawn leh Tlangnuam Field & Futsal Playground atangin tirhchhuah an ni ang.