351/2024-2025 

Khawzawl 23rd April, 2024 : Khawzawl Vengthar Branch YMA in an Branch Golden Jubilee lawmna an neih mekah vawiin khan a thlawn a thisen pek runpui an buatsaih a, Champhai District Hospital Blood Bank thawktuten thisen an rawn laksak a ni.

Vawiin thisen pek runpui neihah hian Champhai District Hospital Blood Bank atangin Dr. Lalnuntluanga hovin mi 8 an rawn thawk chhuak a. Vengthar YMA Member te bakah Khawzawl khawpui chhung veng dang atangte in mi tlawmngaite an thawk chhuak a, mipa 60 leh hmeichhia 14, an vaiin mi 74 in thisen an pe a ni.

Khawzawl Vengthar Branch YMA hian an Branch Golden Jubilee lawmna pual hian kumtir atangin kumin kum tawp thleng hian Programme an buatsaih dawn a, Marathon Race te, Mizo infiamna hmanga intihsiakna te, YMA Chhang Sports te buatsaih tawhin June ni 2-ah Jubilee mei det an nei ang a, June ni 14-ah Jubilee ruai an theh dawn a ni.