DIRECTORATE OF INFORMATION & PUBLIC RELATIONS, Government of Mizoram, India

4643/2023-2024

2024 Ṭau thla ni 17: Lawngtlai aṭanga hla zual polling station 116 (P-2 polling station)-a Lok Sabha inthlan buaipui tur polling party vawiina an duty-na tur hmun pante chuan zan dar 7:56 khan tluang takin an duty-na tur hmun ṭheuh an thleng kim.

Vawiina P-2 polling party 116 an duty-na tur hmun pan zingah 37/54-Kakichhuah polling party-te chuan chhun dar 12:10-ah an duty-na tur hmun thlengin, thleng hmasa ber an ni a. 36/60-Boraguisury polling party-te chu vawiina an duty-na tur hmun an zinga thleng hnuhnung ber niin, zan dar 7:56-ah an thleng fel a ni.

36-Tuichawng assembly biala polling party 70 zingah 36/63-Silosora polling party chuan an duty-na tur hmun an thleng hmasa ber a (2:05 p.m.), 36/60-Boraguisury polling party chu an thleng hnuhnung ber thung (7:56 p.m.). 37-Lawngtlai West biala P-2 polling party 32 zingah 37/54-Kakichhuah polling party chu thleng hmasa berin (12:10 p.m.), 37/69-Kawnkhua polling party an thleng hnuhnung ber thung a (4:30 p.m.). 38-Lawngtlai East biala P-2 polling party zingah 38/37-Vawmbuk-II polling party thleng hmasa berin (3:35 p.m.), 38/22-Sangau Zion (Sangau-I) polling party an thleng hnuhnung ber thung (5:11 p.m.).

Lawngtlai District-a P-1 polling party 65 chuan naktuk khian an duty-na tur hmun an pan ve thung ang.

Attachment