370/2024-2025 

Saitual 26th April, 2024 : Tukin chawhma khan Keifang MHIP Sub Headquartes Conference vawi hnihna cum Golden jubillee, Keifang zawlbuk ah hman niin Dr Lalngura Tlau, Deputy Commissioner, Saitual chuan khuallian niin hun a hman pui.

Dr. Lalngura Tlau chuan thu sawiin Mizo hmeichhiaten hmasawnna kawng tamtak an neih tawh te chu lawmawm a tih thu leh tun dinhmunah phei chuan lehkha thiamna leh finnaah pawh a awm nem zawk ten an hmakhalh chho ta zel ni a a lan thu sawiin,  chhungkaw khaiding tu anni chho mek zel a ni, a ti a, naupiang ah mipa an tam a, thi ah pawh mipa an tam zel chu pawi a tih thu a sawi bawk.

Khuallian chuan kawng tam takah hmasawnna awm mahse MHIP a in hmang tamtakte chuan chhungkaw inrelbawl danah an mawhphurhna an inhriatthiamtawn angai a,a then hi chuan an kalpel ta lek lek tawh a ni, a ti.

Pathianin min siam danah intanpui tawna indawmkang tur leh chhungkuaah pawh nu mawhphurhna hre chunga an tihtur chin leh mawhphurhna an hriat chian a ngaih thu a sawi a bawk.

Vawiin program-ah hian Saitual District chhunga MHIP Branch hrang hrangte an tel kim tha hle a, he hun hi ni 2 chhung awh  niin rorel, inthlan leh Variety Programme te a hun hman a ni dawn a ni.