396/2024-2025

Dated Serchhip, the 2nd May, 2024: Vawiin khan Serchhip District Sports Committee (SDSC) chu an Chairman Pu David Lalthantluanga, Serchhip DC hovin Serchhip DC meeting room-ah an thukhawm.

Vawiin thutkhawmah hian SDSC Sports Complex ram Land Lease neihdan tur chungchang sawiho a ni a. Meeting hmasa in a lo rel tawh anga land lease siam chungchang bawhzui a nih dan leh a area-a khawtlang hruaitute nena inbiakremna an neih dan te ngaihthlak a ni a. He inbiakremna an lo neih tawh dan anga ram ri then chu meeting-ah hian pawm niin land lease chu rang lama siam ni se tiin an rel a ni.

SDSC ram china Sports Discpline hrang hrang te hmunhma tur chu uluk zawka zirchian ni se; kawngpui kalna tur te, lirthei hunna tur te, food stall awmna tur thlenga ruahmanna siamin Master Plan siam ni se, he plan chhungah hian Association te zinga hma lo la tawh te leh hma la hmasa thei tur te chu ngaih pawimawh ni se, tiin meeting chuan a rel a. Master plan mumal taka siam a nih hnuah tha tharin Sports Association hrang hrang te hmunhma tur pawh a tul anga ngaihtuah nawn leh ni se, an ti a ni.

Mizoram State Sports Council atanga sum lo kal te chu Serchhip District chhunga infiammite hmasawnna turin Association theuh ten tangkai tak leh a daihzai thei ang bera an hman theih nan a sem dan tur leh hman dan tur chipchiara duan tha tih niin, thutkhawm lo awm leh turah ngaihtuah ni se tiin vawiin meeting chuan a rel a ni.

Serchhip District Sports Committee (SDSC) hnuaiah hian sports discipline hrang hranga Association te an inziaklut a. Heng sports association te hian an discipline theuha infiammite hmasawnna tur ngaihtuahin coaching, training, tournament leh thil tul dang te an buatsaih thin a. Vawiin meeting ah hian Association hruaitute chuan an hmalak mekna te leh an discipline theuha hlawhtlinna an neih dan te meeting-ah hian an sawi a ni.

Meeting ah hian Sports Association hrang hrang te bakah Department aiawh Ex-officio te an tel a ni.