400/2024-2025

Aizawl, 02.05.2024: Vawiin khan Aizawl DC Pi Nazuk Kumar chuan a pisa ah General Election to Lok Sabha 2024 atana SVEEP hmalakna pakhat - Newspaper Editorial Competition lawmman semna a nei. The Aizawl Post, Virthli leh Zo Rin ten lawmman hi an dawng a ni.

DC Pi Nazuk Kumar chuan thu sawiin, inthlanna muanawm tak Mizorama kalpui zawh takah thuthar lakhawmtute’n an tawiawmna chungah lawmthu a sawi a. SVEEP kaltlanga inzirtirna leh inhrilhhriatna hrang hrangte pawh media lamin an thehdarh thin chu lawmawm a ti a. Tun tuma lawmman sem chungchangah pawh editorial tha tak tak an chanchinbu a an ziah atangin chanchinbumi ten inthlanna felfai leh entawntlak tan Mizoramin a neih theih nan an thahnemngaihna a tihlan thu a sawi.

He hunah hian Election Officer Pu Lalnunfela Chawngthu, SVEEP Asst. Nodal Officer pahnih Pi Lalhruaitluangi, DD, UD&PA leh Pi Jennifer Vanlalhruaii Pachuau, BDO Tlangnuam te an tel bawk a. Pi Emily Lalrinpuii, SVEEP member leh Media Nodal Officer ni bawk chuan he Editorial Competition endikna kalpui a nih dan tlangpui an sawifiah.

Lawmman hian lawmpuina thuziak leh pawisafai Rs. 5000 theuh a keng tel a ni.