361/2024-2025 

Kolasib dated 25th April, 2024: Vawiin khan DC Conference Hall, Kolasibah Pu John LT Sanga, District Election Officer hovin April ni 19, 2024-a Kolasib district-a Lok Sabha MP inthlanna kalpui dan thlirletna hun neih a ni a. He hun ah hian Nodal Officer, Sector Officer, Flying Squad Team leh Static Surveillance Team leader-te an tel a ni.

Pu John LT Sanga, District Election Officer chuan DEO hnuai a Election Branch-a thawktute, Office hrang hrang atang a Election kaihhnawih a mawhphurhna pek te, dan leh thupek kenkawh kawng a thawktute, Political party-te, khawtlang, kohhran leh tlawmngai pawl te nen a thawhhona tha tak avangin Kolasib district-ah inthlanna felfai tak kalpui a nih thu a sawi a. Boruak muanawm tak hnuai a inthlanna kalpui a nih theih nana an inpekna chu fakawm a tih thu a sawi bawk a ni.

Vawiin thutkhawmnaah hian Sector Officer hrang hrangte bial chhung a Polling Station siksawi ngai deuh anga langte tarlan niin Sector siam belh a tul thu te, Polling Station tin ah ‘Assured Minimal Facilities’ awm mahse mipa leh hmeichhe inthiarna hranpa felfai zawk siam a nih theih nana hmalak dan tur te, inthlan ni a duty tur ten an duty-na hmun tur rang zawk a an hriat theih nana inbiakpawhna tha ruahman dan tur te sawi ho a ni a. Training tha tak a kalpui a nih angin Presiding Officer, Assistant Presiding Officer, Polling Official leh Booth Level Officer-te thawhhona a that thu tarlan a ni bawk. Static Surveillance Team leh Flying Squad Team-te chu a tul ang a che chhuak reng an nih bak ah zan lam thleng a endikna kalpui thin an nih angin kum lam a thalai zawk ruat a pawimawh thu sawi lan niin hmeichhiate theihna pho lang thei tur a hmeichhe hlang duty-na ‘Women managed Polling Station’ ahte pawh inthlanna felfai tak a kalpui a nih thu tarlan a ni.