437/2024-2025

LUNGLEI; the 8^th  May, 2024: Vawiin khan Joint Director, Account & Treasuries, Southern Zone, Lunglei  District buatsaihin Convention Centre-ah Lunglei District hnuaia DDO's leh Pension File changtu dealing clerk  tan Pension leh Pension hamthatna hrang hrang ( Training on Pension & other retirement benefits for all DDO's and Staff under Lunglei District)  chungchangah training an buatsaih.

Training-ah hian Pu Thara Lungtau, Joint Director, A&T, Southern Zone, Lunglei chuan thuhma sawiin, vawiina kan training in a tum ber chu "Ease of doing business"  a ni a, pensioner ten a hun taka an pension benefits te an dawn theih nan pension file changtu dealing clerk leh DDO ten an tihtur leh an hriattur pawimawh hrang hrang te inhrilhhriatna leh inzirtirna hun a ni dawn a ni, a ti.

Vawiin training-ah hian Pu PC. Lalawmpuia, Audit & Accounts Officer chuan "Superannuation Pension & related matter ( including voluntary & invalid)" chungchang zirtirna a pe a, Pu Vallalhruaia, Audit & Accounts Officer in "Family Pension including Passover & related matters leh National Pension System ( New Pension Scheme)" chungchangah zirtirna a pe bawk. Zawhna leh chhanna hun hman a nih bakah trainees te tangin feedback ngaihthlak niin, training zawhah hian trainee te hnenah Certificate hlan nghal a ni bawk.

Pu Vanlalrosiama, Treasury Officer, Lunglei chuan  lawmthu sawina hun hmangin  vawiin training hi a khar ta a ni.