436/2024-2025

Dated Saitual the 8th May, 2024: Vawiin dar 1:30 pm khan Keifang Centenary Sports Complex, Saitual ah SADFA leh Mizoram Professional Footballers' Association (MPFA) te buatsaihin Charity Match  buatsaih a ni a, Pu Jeje Lalpekhlua, MLA , President MPFA chuan MPFA  te hi a rawn tawiawm bawk a ni.

He charity match programme hi SADFA president Pu Lalbiakvela Royte in kaihruaiin Pu Lalchuangkima Honorary Secy, SADFA in report a pe a, Charity Match an neih chhan te leh Saitual District a Football dinhmun te sawilanna a nei nghal bawk.

Match kick off tu Dr Lalngura Tlau, DC Saitual & Patron SADFA ni bawk chuan thu sawiin MPFA ten an hlu tak senga hetianga SADFA te nen ruahmanna an siam chu lawmawm a tih thu sawiin, match atana Golden card lei te leh saitual mipui lo kalkhawmte hnenah lawmthu sawiin, taihmakna, thawhrimna leh thuawihna kan neih chuan engpawh ti ila, kan hlawhtling thei a ni tiin a chah bawk.

Lalrindika Ralte MPFA Vice President pawh in thusawiin infiamnaa hlawhtling vawiina an hmaa lo inlante chu hun harsa tak paltlang an ni, a ti a. Football chu mizote tan eizawnna tlak a nih tawh zia leh mizoram ti hmingtha tura thalai lokalkhawmte pawh cho chhuak se a duhthu a sawi bawk.

Vawiina  charity match hi mizoram chhunga MPFA ten Charity Match vawi 8 an khelhna a ni a, mipui thahnem tak an kalkhawm a ni.