363/2024-2025

WORLD MALARIA DAY, 25th April, 2024

Theme : “Accelerating the Fight Against Malaria for a More Equitable World”

Aizawl the 25th April, 2024 : Vawiin 25th April, 2024 hian Vector Borne Disease Control Programme, National Health Mission chuan DHME Auditorium, MINECO ah World Malaria Day an hmang a. He hunah hian Smt. Esther Lalruatkimi, IRS, Principal Secretary, Health & Family Welfare, Govt. of Mizoram chuan  khuallian  niin hun a hmanpui.

Vawiin World malaria Day pual hun hi Dr. Hmingthanmawii, Additional Director (Planning) H&FW in a kaihruai a, Dr. Eric Zomawia, Mission Director, NHM in Mizoram Malaria dinhmun tlangpui powerpoint a pein Dr. Lalzawmi, Joint Director (Malaria) chuan lawmthu sawina hun hmangin he hun hi a khar a ni.

April ni 25 hi ‘World Malaria Day’ Khawvel pum huap Malaria Dona Ni’ a ni a. World Health Organisation (WHO) hnuaia World Health Assembly chuan kum 2007 khan Malaria (Sikserh) chungchanga inzirtirna leh hriat tur tul te inhrilh hriat thinna hun atan World Malaria Day hman a rel a. Tichuan, kum 2008 atang khan kum tin thupui neiin World Malaria Day hi April ni 25- a hman thin a lo ni ta a ni.

Mizoramah Malaria natna a la hluar hle a, tun dinhmunah India ramah mi sang khat (1000) zel atanga malaria vei hmuhchhuah zat atanga chhutin Malaria tamna ber state nihna kan hauh mek a, hei hian Malaria dona kawnga tan lak kan ngaih nasat zia a lan tir. Mizoramah Malaria natna a la hluar hle a, tun dinhmunah India ramah mi sang khat (1000) zel atanga malaria vei hmuhchhuah zat atanga chhutin Malaria tamna ber state nihna kan hauh mek a, hei hian Malaria dona kawnga tan lak kan ngaih nasat zia a lan tir. Kum 2023 Jan – Dec chhunga Malaria natna vei hmuhchhuah zawng zawng chu mi 18005 niin, mi 13 laiin nunna an chan a. Kum hmasa 2022 nena khaikhinin Malaria vei hmuhchhuah tam zawng hi za 76.02 (76.02%) laiin a pung a ni. Kumin 2024 Jan – Feb chhunga Malaria vei hmuhchhuah zat hi 1776 ni tawh in, nunna chan erawh an awmlo.

He ni denchhen hian April thla chhungin Malaria dona atana hmalakna hrang hrang kalpui mek niin; khawtlang mipui leh Pawl hrang hrang te nen inzirtirna hun te neih anih bakah, Banner/Poster Display bakah Source Reduction Drive (Thosi pian theihna tui tling tihbo hnatlang) te neih a ni bawk. District tinah hlawkthlak taka he hun hi hman a ni.

MALARIA SITUATION IN MIZORAM, 2023