Vawiin khan Chief Secretary Pu Vanhela Pachuau hovin Chief Secretary’s Conference Hall ah Indian Institutes of Information Technology Mizoram-a din ve a remchang dawn em tih ngaihtuahin a kaihhnawih Department hrang hrang Higher & Education; Information & Communication Technology leh Information Public Relations te an thu khawm.

Sorkar laipui a Ministry of Human Resource Development rawtna angin December 12, 2010 ah khan Cabinet in IIIT thar 20 din a lo rem ti tawh a. Ministry of HRD hian IIIT din dawn a tul leh pawimawh hrang hrangte tarlangin state sorkar hrang hrangah a tlangzarh a. Indian Institutes of Information Technolgy dinna atan a Central sorkar, State Sorkar leh Industry Public Private Partnership sum tum dan turte, a dinna hmun hma ram zau zawngte leh a enkawl chhoh zel dan tur tarlan atangin uluk takin an sawiho a.

Ram tana thil tangkai tak tur nimahse sorkar in a enkawlna lamah te a harsatpui ang em tih te ngun takin an ngaihtuah tel a. He thu hi Cabinet Meeting ah thlen mai ni se tiin an rel a ni. Chief Secretary hi Higher & Technical Education Secretary Pi Esther Lalruatkimin a tawiawm a ni.