Vawiin chawhma khan Ramthar Veng Community Hall Lunglei-ah Pu Joseph Lalhimpuia Lunglei East bialtu MLA in Industry Sector hnuaia Lunglei 'E' leh Lunglei 'S' a chhungkua 176 te hnenah Rs. 55,29,000/- (Nuai sawmnga panga singhnih leh sangkua) NLUP 4th Phase final installment leh NLUP-NEDP convergance 1st. installment semna a nei.

NLUP semna inkhawm hi Pu Lalhmunsiama, General Manager, District Industries Centre, Lunglei in kaihruaiin Pu Joseph Lalhimpuia chuan NLUP 4th Phase final installment leh NLUP-NEDP convergence 1st Installment dawngtu te chu a lawmpui thu a sawi a. Tanpuina dawngtu ten theihtawp chhuah a arah seng thei ngei tura hmang theuh tura chahin NLUP hi eizawnna ngelnghet neilo te tan a eizawnna siamsak zel an tum thu a sawi. A hlawhtlinna leh malsawmna dawng tlak a thawk theuh turin a chah bawk.

Sawrkarin hmasawnna hna chak takin a kalpui chho mek zel a, Ramthar Veng Community Hall ah Puan tahna tur hmun siam tum a ni a, Farm veng Badminton Court chu International standart angin carpet phah tum a ni, a ti. DIC Building hnuai chu NLUP Beneficiaries te atanga hmanrua siam chhuah pho chhuahna dawr siam tum a ni a. NEDP leh NABARD sum hmangin School chei leh sak tum ani a, Government High School Lunglei sak that nan cheng nuai 109 dah a ni. Ministry of Tribal Affairs sum hmangin Rotlang 'E' ah Hostel sak anih tur thu a sawi bawk.

Pu Lalsawmliana, IPO DIC Lunglei, in report pein Industry Sector ah 4th phase NLUP final installment Lunglei 'E' bial ah chhungkaw 139 te hnenah Rs. 41,29,000/- ( Nuai sawmli pakhat singhnih leh sangkua) leh Lunglei 'S' bialah chhungkaw 22 te hnenah Rs. 6,50,000/- (Nuai ruk leh sing nga) sem ani a, NLUP - NEDP convergence 1st Installment Lunglei 'E' hnuaiah chhungkaw 13 te hnenah cheng 6,50,000/- (Nuai ruk leh sing nga) leh Lunglei 'S' hnuai ah chhungkaw 2 te hnenah cheng 1,00,000/- (nuai khat) sem a ni.