Vawiin chawhma dar 11 :00 AM khan Anti Tobacco Task Force & Anti Tobacco Squad, Lawngtlai District chuan Addl DC Pu R. Lalsangluaia hoin meeting an nei.

He meeting-ah hian member an kal tha hle a, hmalakna hrang hrang awm tawh te thlir hoin, District Coordinator Pu Z.T.Vawra Hmar chuan DLHS-4 Survey (2012-2013) a Lawngtlai district dinhmun a tarlang a, tun dinhmunah Lawngtlai district a vaihlo a zuk chi bikah mipa leh hmeichhia ah an sang fal hle a, hmalak nasat a tul thu a tar lang bawk a ni.

Anti Tobacco Squad te chuan District Magistrate atangin vengtin mipuite hriat theih turin COTPA 2003 Section 4- Puipunna hmuna mei zuk khap a nih thu VC te hnenah puan chhuah tura thlen nise, chak zawka hmalak a nih theih nan dan chungchangah training neih thuai nise tha an ti bawk.