SIRD in Rajiv Gandhi Panchayat Sashaktikaran Abhiyan (RGPSA) hnuaia hnathawk tur an lak thar mi 29 te tan ni 9 chhung awh tur training buatsaih chu vawiin khan SIRD Conference Hall,Kolasib ah District Bawrhsap Pu H.Lalengmawia'n a hawng.

Training hawnna inkhawmah Pu H. Lalengmawia chuan SIRD thawk tu lakthar te chu Mipui tana thawk tur annih angin Mipui thlan Village Council member te ngaihpawimawh a, Sorkar Scheme hrang hrang te VC te hrilh hriat a zirtir an mawh anih thu a sawi a. Kan ram ah Mi beidawng an pung zel a, hei hi sorkar mi rawih ten sorkarin min beisei anga hna kan thawh thin loh vang ani tiin, theihtawp chhuah a hna thawk turin a chah a. Hnathawk tur lakthar te chu Thingtlang hmasawnna tur mipui ten hriat an duh thin chumi hrilh hre tu tur a lak an nih thu sawiin, inchhiar zau reng tur leh an hna tuichilh turin a chah bawk.

Pi Maria CT Zuali, Director, SIRD chuan hawnna inkhawm hi a kaihruai a. Training chhung hian mithiam ten an hnathawhna pui tur topic hrang hrang hmangin zirtirna an pe thin dawn a ni.