State Investment Programme Management & Implementation Unit (SIPMIU), Govt of Mizoram hmalakna kal zelah septic tank tha chi Japan technolgy a siam chu Aizawl leh Lunglei khawpui-ah te hman turin Asian Development Bank leh Ministry of Urban Development, Government of India tangkawpin an buaipui mek a. UD&PA Minister Pu Zodintluanga chuan hetiang spetic tank tha chi Aizawl leh Lungleia kan nei thei tur hi a lawmawm a ti a. Tunlai khawvel hmasawnna kal chho zelah a changkang leh tha ber chi a ni a, Mizote pawhin khawvel ke pen rualin hma kan sawn ve hret hret zel a ni tih a tilang a, hmasawnna chhinchhiah tlak tak a nih thu a sawi.

Hna thawh dan tur ruahmanna siam turin Consultancy Firm IPE Global Private Limited, New Delhi chu Asian Development Bank (ADB) a ruat fel tawh a. Consultants te hian November, 2012 khian Aizawl leh Lungleiah hna tan turin an lo kal ang. Heng khawpui pahnih tan hian Sanitation Plan te, Septage Management Plan te leh Pilot Schemes te siamin hna an thawk ang.