Saiha khawpui chhunga Taxi leh Auto Riskshow, khalhtu leh neitute tan vawiin chawhma dar 10 khan DC’s Conference Hall, Saiha-ah District Transport Office Saiha leh Saiha Traffic Police te tangkawp buatsaih in ‘Driving Awareness Training for Taxi/Auto Riskshow Owners leh Drivers’ chu hlawhtling taka neih a ni.

He training programme hi Pu Donny Lalruatsanga, MCS, DTO Saiha chuan kaihruaiin training chhim tute chungah lawmthu a sawi a, he training a zirho tura thlan chhuah pathum MV Acts & Rules 1988 and Various Government Notifications tih thu Pu Lalremruata, ESI Saiha in a sawi a, Traffic Rules and Regulations tih thu Pu Zamzamunga, SI of Police in a sawi bakah Offence & Penalties tih thupui thlan chhuah Pu Vabeipikhu Hlychho, ESI in a sawi bawk. Programme kar lakah zaithiam zai te ngaihthlak a ni bawk. Drivers leh Owners hruaitute hnen atangin fuihna thu leh thu tha tak tak ngaihthlak a nih bakah zawhna hrang hrang an neihte zawt in huam zau taka sawiho a ni bawk. He training ah hian Saiha khawpui chhunga Taxi leh Auto-Riskshow Drivers leh lirthei neitu mi 160 an tel a ni.