Mizoram State Sports Council (MSSC) Annual Programme 2008-2009 hnuaia All Mizoram Karate Association (AMKA), General Headquarters programme pawimawh ber zinga mi 12th AMKA Mizoram State Karate Championship ni 17 - 20 March, 2009 chhunga neih tur chu vawiin khan Aizawl Electric Veng YMA Hall-ah Pu Lianzuala, Secretary, Mizoram State Sports Council chuan a hawng.
Khuallian Pu Lianzuala chuan AMKA-in harsatna a tawh chuan theihtawp chhuahin Mizoram State Sports Council chuan hma a lakpui dawn a ni a ti a. AMKA inrelbawlna chu tha a tih thu leh vawng nung zel tura a duh thu sawiin Pu Lianzuala chuan AMKA hruaitu ten ngaihtuahna tak tak sengin pawl an kaihhruai thin nia a hriat thu te a sawi bakah, inthununna (discipline) tha chhawm nung zel turin AMKA hruaitute leh Karate infiammite chu a chah bawk a ni. Sports Council chuan sports discipline hrang hranga infiammite training nan hmun tha tak nei theuh turin a duh a, a theih anga hma lak zel a ni ang a ti. Karate infiammite chu sawrkar hna mai ni lo, company hnuaia an thawh tur ang a awm a rin thu leh security mi leh sa atan phei chuan Karate chu thil tul leh tangkai a nih avangin Security Force atan pawh an that thuin Karate infiammite chu a fuih a ni.
He championship hawnna inkhawm hi Organising Board Chairman leh AMKA General Headquarters Senior Vice President ni bawk Pu R.Thanga chuan a kaihhruai a. Report petu Pu T.C.Lalremsiama, General Secretary, AMKA General Headquarters chuan hun engemaw lai atang khan AMKA hriatpui loh leh pawmpui loh Karate hminga thawm nei an awm ve thin chu pawi an tih thu a sawi a. Hemi chungchangah hian AMKA General Secretary chuan Ministry of Sports, Govt. of India leh Indian Olympic Association (IOA) ten hming hmerha an pawm Sensei Karate Thiagarajan, President leh Sensei P.R.Ramesh, General Secretary te kaihhruai All India Karate-Do Federation (AIKF) leh Mizoram State Sports Council (MSSC) pawm All Mizoram Karate Association (AMKA) kan awm a. Hemi kawng bak hi chu tunlai Karate Sports khawvelah chuan kawng dang a awm lo a; a lo awm anga sawitu leh hma la inti ve an awm a nih chuan pawl dik zik tluak lo leh kawng dik lo zawhtute an nih a rinawm a. Chuvangin, Karate infiam mite chuan Karate Sports kawng dik chauh zawh turin kan inchah mawlh mawlh a ni a ti bawk.
Championship hawnna inkhawmah hian AMKA Technical Board chuan Karate Demonstration hmuhnawm tak tak an entir a; Kum 2008 chhunga Karate National Championship neiha Gold Medal latute hnenah Pu C.Dosavunga chuan cash award Rs 1000.00 theuh a hlan a ni.
He championship-ah hian AMKA Affiliated District Organisation hrang hrang Aizawl, Lunglei, Saiha, Champhai leh Serchhip Districts atangin AMKA Registered players mi 320 zet an rawn tel a. Intihsiakna hrang hrang mipa leh hmeichhe tan category 62 siam a ni bawk a; AMKA Referee Council hnuaia AMKA Qualified Referee & Judges mi 20 ten he championship hi kengkawhin an enkawl ang. Championship hi ni 20.3.2009 hian zovin, a kharna hun pawh chawhnu dar 2:00 khian Aizawl Electric Veng YMA Hall-ah bawk neih leh tura ruahman a ni.
He championship hawnna inkhawm hi Organising Board Chairman leh AMKA General Headquarters Senior Vice President ni bawk Pu R.Thanga chuan a kaihhruai a. Report petu Pu T.C.Lalremsiama, General Secretary, AMKA General Headquarters chuan hun engemaw lai atang khan AMKA hriatpui loh leh pawmpui loh Karate hminga thawm nei an awm ve thin chu pawi an tih thu a sawi a. Hemi chungchangah hian AMKA General Secretary chuan Ministry of Sports, Govt. of India leh Indian Olympic Association (IOA) ten hming hmerha an pawm Sensei Karate Thiagarajan, President leh Sensei P.R.Ramesh, General Secretary te kaihhruai All India Karate-Do Federation (AIKF) leh Mizoram State Sports Council (MSSC) pawm All Mizoram Karate Association (AMKA) kan awm a. Hemi kawng bak hi chu tunlai Karate Sports khawvelah chuan kawng dang a awm lo a; a lo awm anga sawitu leh hma la inti ve an awm a nih chuan pawl dik zik tluak lo leh kawng dik lo zawhtute an nih a rinawm a. Chuvangin, Karate infiam mite chuan Karate Sports kawng dik chauh zawh turin kan inchah mawlh mawlh a ni a ti bawk.
Championship hawnna inkhawmah hian AMKA Technical Board chuan Karate Demonstration hmuhnawm tak tak an entir a; Kum 2008 chhunga Karate National Championship neiha Gold Medal latute hnenah Pu C.Dosavunga chuan cash award Rs 1000.00 theuh a hlan a ni.
He championship-ah hian AMKA Affiliated District Organisation hrang hrang Aizawl, Lunglei, Saiha, Champhai leh Serchhip Districts atangin AMKA Registered players mi 320 zet an rawn tel a. Intihsiakna hrang hrang mipa leh hmeichhe tan category 62 siam a ni bawk a; AMKA Referee Council hnuaia AMKA Qualified Referee & Judges mi 20 ten he championship hi kengkawhin an enkawl ang. Championship hi ni 20.3.2009 hian zovin, a kharna hun pawh chawhnu dar 2:00 khian Aizawl Electric Veng YMA Hall-ah bawk neih leh tura ruahman a ni.
Attachment
- Loading attachment...
