14th Finance Commission-a Memorandum thehluh tura Lunglei District mamawh chi hrang hrang sawihovin vawiin khan Lunglei D.C. Pu V. Sapchhunga kaihhruaina hnuaiah Department hrang hrang hotute chu DC’s Conference Hall-ah an thukhawm a ni.

DC Pu V.Sapchhunga chuan meeting hawnnaah Under Secretary, GAD atanga lehkha hmuh a nih thu a sawi a, State’s Memorandum-a telh tur Lunglei District-in a bik taka mamawh neih te sawi turin Department hotu theuh te a sawm a. Lunglei District-in a mamawh langsar zual he meeting-a an rel te chu kawngpui siamthat, Lunglei Civil Hospital atana Parking Lot zauh bakah mitthi dahna tur (mortuary) sakthat te, District Court Complex atan sum mamawh te, Disaster Response Force thawmthat te, Lunglei-ah Educational Complex din te, DCSO Office building sakna tur bakah I&PR Complex tihchangtlung leh thawmthat te sawiho a ni.

District mamawh thehluhte chu Mizoram sorkar-a Finance Department-in State’s Memorandum-ah an dah lut ang a, December ni 20, 2013-ah 14th Finance Commission hnenah Memorandum chu thehluh theih beisei a ni.