Vawin khan Pu. Lalzirmawia Chhangte, MSC Director, Sports & Youth Services chuan a office-ah 15th North East Zone Sports Climbing Competition-a SYS Mizoram Climber-te chu lawmpuinnan thingpui inpuina hun a hmanpui. He programme hi Pu Thankhuma, Youth Welfare Officer in kaihruaiin, Moses Lalthanpuia, Asst. Adventure Organiser SYS (Mizoram Team Manager) chuan competition reports a pe a ni.
Director chuan SYS Climber te chu thinlung taka a lawmpui takzet thu sawiin, Climber-te chu nasa lehzual a tan la zel tur leh rilru tihtak zeta Climbing ti zel turin a fuih a. Hun lo la awm zel turah pawh Sports Department chu Climber te tan a in hawn zel thu a sawiin, India hmarchhakah ni mai lovin, ram pum huap inelnaah pawh medal la thei zel turin a fuih bawk a ni.
Pu Vanlalliana, State Adventure Organiser SYS (North East Zone Sports Climbing Technical Committee) chuan technical report pe in, SYS Team atangin National a North East Zone aiawh tur naupang an thlan tur thu a sawi bawk. SYS Mizoram team-te hian September ni 11th, 2013 khan Aizawl chhuahsanin Kangla RockWall (MMTTA Complex) Imphal-ah, North East Zonal Sports Climbing Coaching Camp 2013 an zawm nghal a, hemi chhung hian Coach-in training pein Mizoramin a neih ve loh, tournament-a an inelna tur, Bouldering leh Speed Climbing-te nasa zawk in coach in a zirtir a ni. Competition hi 19th – 21st September chhung khan neih a ni. He inelnaah hian Mizo Everester pahnih, Pu David Zohmangaiah leh Pu Vanlalliana te chu Technical Committee an an tel bawk a ni.
SYS Team-ah hian participants 16 leh officials 2 an kal a. Competition-ah hian category pathum- Senior, Junior leh Sub- Junior-ah then ni in, Junior bik hi Lead Climbing ah chauh an inel a. A bak category te hi Lead Climbing, Speed Climbing leh Bouldering-ah te an inel a ni. A pumpuiah SYS Mizoram Team te hi pathumna (3rd place) an ni.
Medal la te chu hengte hi an ni: Carter Malsawmkima(Durtlang North) Sub Junior - Bronze (Lead Climbing); Lalrinmawii (Govt. Complex) Sub Junior - Silver (Lead Climbing); Kananthari (Zotlang Veng) Junior - Bronze (Bouldering); B. Lallawmengi (Khatla South) Women Open - 1) Gold (Speed Climbing ) 2) Silver (Lead Climbing 3)Silver (Bouldering)
OFFICIAL : Vanlalliana, State Adventure Organiser - North East Zone Sports Climbing Technical Committee; Moses Lalthanpuia Asst. Adventure Organiser - Team Manager
