Tun hnaia Dawngzawl, Serchhip-a Border Security Force unit thar din tak 166 Bn BSF chuan nimin ni 19.8.2015 (Nilaini) khan he hmuna 2nd Rajput Regiment sipai, ram tana nunna chan tate hriatrengna lungphun awmna hmunah sipai chawimawina famkim nen ‘Memorial of Army’ hun an hmang a. Brig. (Rtd) UPS Pathania, DIG BSF Mizoram pawhin he hun hi a hmanpui a ni.

Kumin March thlaa Serchhip-ah 166 Bn BSF an rawn din khan NH-54 kawngpui dung sira 2nd Rajput Regiment sipai huaisente hriatrengna lungphun, rei tak ngaihthah taka lo awm tawh chu haichhuakin, a hmun leh a chhehvel cheithain, nimin khan he Regiment-a No.2955239 Hav. Sukhdeo Singh, No.2980306 L/Nk. Than Singh leh No.2975550 Sep. MR Paul te, Mizoram rambuai lai kum 1986 August ni 19-a nunna chantate hriatrengna hun an hmang a ni.

2nd Rajput Regiment hi tuna DoNER Minister ni lai mek Gen(Rtd) VK Singh pawhin a lo Command tawh thin a ni.