Directorate of School Education bultumin ‘18th Mizoram Higher Secondary School Games 2019’ chu vawiin khan Aizawl khawpui chhung hmun hrang hrangah tan a ni a. Tun tum Higher Secondary School Games-ah hian sports discipline hrang hrang 7-ah inelna neiin hmun hrang hrangah khelh a ni a, inkhelhna tur hmun hrang hrangah hian Directorate of School Education-a Officer-ten an hawng.

Vawiin chawhma khan Badminton khelhna tur Bawngkawn YMA Hall-ah Pu James Larinchhana, Addl. Director-in a hawng a. Zing dar 9:30-ah Athletics & Football khelhna tur Rajiv Gandhi Stadium-ah Pu C.Hrangthuama, Joint Director-in a hawng a; Volleyball khelhna tur PUC Field-ah Dr.Lalzahawma, Dy. Director(Accts)-in a hawng a; Basketball khelhna tur Electric Veng YMA Multipurpose Hall-ah Pi Zoliani Hnamte, Dy. Director-in a hawng a; Table Tennis khelhan tur MTTA Hall, Mission Veng-ah Pu Lalchungnunga, Dy.Director (Hindi)-in a hawng a. Taekwondo chu naktukah Electric Veng YMA Multipurpose Hall-ah Pu Vanlalsawma, PEO-in a ahwng ang.

Tun tum HSS Games-ah hian Aizawl pawnlam School 11 leh Aizawl khawpui chhung atangin School 12, an vaiin School 23 an tel a ni.